無奈

好想好想如常過生活。
想玩電腦上網傾計ICQ唔願訓，然後累極而睡唔願起身仲發著甜美大夢，醒時如遇難題咁決定著咩衫配咩香水，然後發現快將遲到但又想買早餐，返到去上堂一邊扮專心一邊魂遊太虛想住Lunch 想住 Tea 想住 Shopping，落堂約朋友食野傾計睇八卦雜誌，返到屋企眼訓上床午睡片刻然後急不及待開電腦收風吹水Check E-mail做功課，七點半左右媽咪催食飯我就只顧望電視，夜晚沖個靚涼揀Mask 做下瑜珈傾個電話上網打機ICQ... ...就咁簡單膚淺開心一 day 又一 day。
可惜，越迫自己如常生活，越發覺已經無左之前既感覺。今日又扮平常咁去上堂, 不過身體太攰太累，配合唔到我既意願，被迫被送返去。休息一陣又再出去，人見人問做咩咁殘。
朋友們，我已經好叻女咁如常過日子，支持我，唔好再問我怪我擔心我為何有別於以前。有時，人，好難走回頭路。
覆水，真係會難收。