對錯，都是有時間性的嗎?

一個"仕"字令我發覺對與錯其實都有時間性，好無奈。

香港人嘅寫錯別字嘅情況似乎真係幾嚴重。其實講真，我覺得大家對要寫正字嘅意識唔高。原因可能係因為：大家以前受教育時一向無被強烈要求去注意錯別字，甚至有時老師都唔知你寫錯。

好啦，大家對錯別字嘅意識又唔高，自己同其他人又一直咁寫，終於一個錯誤被重覆過千百萬次後已經變成"唔算錯", 甚至"對"。

以女/男士為例，我一向寫成女/男仕，一直無被糾正。直至果日喺Blog-you嘅 forum 睇到一篇講錯別字嘅文先"知錯"。不過諷刺嘅係，其實香港嘅公司好多都依然係寫"女仕"嘅。當我去 Google 搜尋有關公司時，我發覺用"女士"search只揾到 3 個 result；我要用"女仕"搜尋先揾到我要嘅野, result list 仲勁長。唉，呢個係香港教育制度嘅失敗，定只係一個必然嘅時代性轉變？再係咁落去嘅，『"女士"係正寫』嘅時代就會過去，堅持嘅就會被指"Out"。
呢啲就係我所講"對錯嘅時間性"，但係我覺得人應對對錯有所堅持。但好多人將慣性 put in front of 對錯，其實咁好悲哀。

「車！人哋都咁寫/做/講啦！」、「我一向都咁架啦！」

講到呢度不得不讚下 Google。當用"女仕"搜尋時，佢會話你知正寫係"女士"呢啲就係肯負社會責任嘞。

注意1: 無錯，我亦係香港人，我承認都經常會寫錯別字；
注意2: 噢!"錯"別字..我用個"錯"字係錯嗎?我唔 sure..
注意3: 其實我好好奇點解大公司都無人才去指出錯字?定佢地根本就故意迎合大眾?
注意4: 我唔係覺得自已改返一個字就勁咗/有資格話人，學小奧話 : No body is better, but some of us is luckier. 大家其勉之。

矯型記(一)

帶咗矯型背心兩日，其實幾辛苦。我好唔習慣呢種"挺起胸膛做人"嘅日子。
講真我唔太明白件背心係咩原理，一着上身就自動令人時時刻刻坐/企直；覺得攰又想縮起個身時，你會發覺件背心會令你縮起時仲攰，救命。

貪靚係有代價嘅。

至於女仕最關心嘅 -- 胸，我想講：神仙法術咩，邊有咁快改到。
不過，帶住呢個Bra嘅即時效果絕對比其他 push-up bra 好。
有幾好? 好到令我個朋友 "嘩" 一聲。
你話我虛榮又好、膚淺又好，我係真係為靚咗嘅身材興奮得不得了，哈。

心心女士用品 (男士不喜勿看)

今日終於去咗心心買內衣。
結論如下:

• $$$$$ : Bra -> $280 - $3xx (我買嘅 $370 + 矯型背心 $175 )
• 款式 : 旺角嘅兩間鋪都細，所以款唔太多，美觀度就真係.. ...但呢啲講實用性嘅野通常無咁 fashion 架啦
• 即時效果: 正，if not 我都唔買
• Sales 專業度: ok good, 個人認為始創果間好啲。佢地都俾到好多意見，ok 中肯無 hard sell。有耐性 ( 我 + 2朋友 搞左成個幾兩個鐘， sales 依然好有笑容)。
• 人氣度: 去咗兩間，去時兩間都有人試 + 買。我見到嘅都係試過穿上身都會買。(我同另外兩個朋友都有買)

至於矯型效果，我暫時唔知。不過我會報告嘅！我嘅矯型主要針對腰背、胸型提升。

P.s.:

1)我嘅身型: 32C , now 32E (矯型bra 嘅 size 有啲唔同)

2)我本身成日腰背痛。今日 sales 姐姐亦指俾我睇我條腰骨太凹、盤骨唔正、寒背、背及胸側多肉、膊頭內彎，以上問題都係我本身無注意嘅。

P.S.:

錯別字更正: 仕 → 士

係，我係善變

改咗名呀呢度，有留意到嗎?
至於點解要改，原因大概係 →→→ 我好唔鐘意果一個咁被動消極嘅名，突然地，強烈地！
以前果個代表等待嘅名令我覺得好唔對路。既然選擇咗依靠自己就徹底啲，唔想再為任何人停留。

突然愛上紅色。玫瑰紅、鴿血紅、棗紅、橘紅... ...
桌布係深淺紅色蓮花狀圖案，ICQ亦一 sET 地來個玫瑰色調，連指甲亦畫上紅色小花。
我覺得紅色俾人嘅感覺比綠色、藍色都要強烈。
我厭倦含糊。
尋日同學仔講：讀HRM嘅人好易認，談吐外表同 HRM 一樣含含糊糊果啲咪係囉。
好在我唔打算做HRM人。

近來，連對花概嘅喜好都變埋。
之前我係鐘意桔梗嘅，但唔知點解，越來越愛上玫瑰。
或者，因為玫瑰比較似人。有美麗温柔嘅一面，亦有壞脾氣嘅刺。
我都正學習接受自己嘅刺。

盤髮方法 ! 超正 !

去呢度 http://club.women.sohu.com/read-face-487913-0-337.html ！

為甚麼而寫

前排好多 Blogger 講到何謂 "Blog"。我唔打算再講呢個話題，但呢個話題令我諗起究竟我為甚麼而寫。

我寫野，原因有ニ。

一，我寫野係為同朋友溝通。其實我知我某啲朋友會不定期甚至定期嚟呢度，為嘅係想知吓我嘅近況。大家未必有時間見面，但係透過呢度，大家至少可以知道我近來做緊啲咩。起碼，我仲有手有力去寫就證明我尚算安好。

二，我寫，其實係為記下我腦入面各種古靈精怪嘅想法同對各種事物嘅感受。呢度唔只係日記，呢度係我嘅思想倉庫。再者，呢度係一個好好嘅動力令自己思考，而且係深入地思考。將想法用文字表達係一個好好嘅訓練，令自己更有條理地思考，亦更懂得分析事物。

- - - - - - - - - - - - - -

打後嘅十日我都會比較忙，可能無時間寫野，各位唔使擔心我。
哈，呢期有好多得意野想講，我將佢地 save 咗做草稿，等我去到加國先再寫。
同埋，而家我仲身處香港，好難清楚香港、香港人有咩特別，我好期待喺加國嘅日子會講到俾我知。

好朋友

好多謝各位友好喺呢兩星期抽空同我食"歡送飯"。今次臨時臨急、趕頭趕命咁離開香港，最遺撼就係唔夠時間同哂所有好朋友道別。

其實我只係過外國生活一、兩年，之後都會返香港發展。不過，今次係我第一次離開香港咁長時間，亦係我第一次真真正正咁工作。所以我覺得今次係我人生中一個好重要嘅轉捩點，我好想得到大家嘅支持同祝福。
離開香港，其實唔係一個好開心嘅決定；對於未來，我亦好傍偟。其實我越來越對自己無信心。我唔知離開係積極嘅面對，定或是消極嘅退避。

希望當我返到香港，一切都會更好。

新聞?? -- 學生吃杯麵灼傷嘴

【明報專訊】港島銅鑼灣皇仁書院一名中學生，昨晨11時許第一節小息時，前往學校小賣部買杯麵吃，當打開杯蓋聞到香味四溢，即急不待大口吃下，但疑因杯麵內滾水仍很高溫，男生口部被灼傷，感到痛楚，驚動同學通知老師致電召救護車將他送院敷治，並無大礙。

- - - - - - - - - - - - - - - - - -
""學生吃杯麵灼傷嘴"" -- 呢啲係應該登上報紙嘅新聞，唔好玩啦! 如果真係咁都值得寫，咁我應該可以三日上兩次報。
俾其他地方嘅人睇見，一定誤會香港 "太平盛世" 得不得了，有人灼傷嘴就已經屬於大件事。
救命...

快樂‧哲學

之前睇到 More Than One 討論緊何謂 "後現代主義" 。
見到大家咁熱烈討論， 真羨慕。我覺得哲學討論，都係一種好有趣嘅活動，可惜好難遇到"同好"。不過講真，我知道嘅事亦太皮毛。一講得深入啲，恐怕就搭唔上咀。

好懷念以前上 Soci 同 Pilo 嘅日子、一大班人做 project嘅日子，雖然辛苦。當時大家為功課討論得面紅耳赤，但轉過頭又係一班好朋友。
仲記得做文化科功課，一班人去睇三級片，睇到成班人笑到喊；上 Soci 要 discuss 有關成就同出生嘅關係，講講下竟然變咗傾"如何釣金龜，哈。

可以返學，其實真係好開心。
可以遇到願意同自己互相討論、學習嘅人，就更令人興。

又嚟！

我部腦又死"ed"。無ICQ, 無MSN, 無online game。But the worst thing is -- 仲有一份5000字未起貨。
點算？去表妹屋企開工囉。
我地倆表姐妹，一個係應屆公開考試嘅考生，一個係考試中 + 趕assignment 中嘅學生。我相信如果我地各自各在自己屋企，我地大家今日都可以專心讀書温習, 可惜.... 今日最终變左 Movie day + 修甲日 + 大食會。

極度同意青春等於有勇氣盡情揮霍時間。
噢，我嘅青春。

中文真好

可以用返中文，真好。

I just want to make you happy, my love

[蘋果日報]
美 國 加 州 洛 杉 磯 發 生 一 宗 離 奇 命 案 。 當 地 一 名 體 重 一 百 五 十 公斤 （ 約 三 百 三 十 磅 ） 的 女 子 ， 在 結 婚 八 周 年 紀 念 日 ， 為 了 給 丈 夫 性 感 驚 喜 ， 於 是 穿上 一 條 幼 帶 T-back 內 褲 ， 可 是 她 的 丈 夫 見 到 後 驚 叫 一 聲 ， 心 臟 病 發 ， 倒 地 暴 斃 。當 地 警 方 懷 疑 ， 女 子 是 故 意 這 樣 做 謀 殺 親 夫 ， 不 准 她 保 釋 外 出 。三 十 八 歲 女 子 莎 拉 表 示 ， 她 和 三 十 三歲 丈 夫 馬 庫 斯 結 婚 八 年 ， 她 想 在 周 年 紀 念 日 花 心 思 慶 祝 ， 於 是 穿 上 白 恤 衫 和 一 條 新買 的 幼 帶 內 褲 ， 等 丈 夫 下 班 回 家 。

馬 庫 斯 當 天 下 班 回 家 ， 一 進 大 門 就 見 她 從 睡 床 上跳 下 ， 結 果 目 瞪 口 呆 ， 心 臟 即 時 停 止 跳 動 。警 扣 查 疑 存 心 殺 夫馬 庫 斯 向 來 患 有 心 臟 病 ， 他 的 驗 屍 報 告 寫 ： 「 看 見 腫 脹 的 女 人 ， 加 上 她 凸 出 的 屁 股 和 像 農 家 鮮 芝 士 的 大 腿 ， 實 在 極 之 可 怕 ， 令 他 的 心 臟 爆 炸 。 」警 方 也 指 出 ， 馬 庫 斯 雙 眼 如 高 爾 夫 球 凸 出 ， 露 出 驚 嚇 神 情 ， 他 們 懷 疑 馬 妻 早 知丈 夫 有 心 臟 病 ， 處 心 積 慮 讓 他 看 到 這 種 驚 嚇 形 象 ， 等 於 要 「 開 槍 」 謀 殺 親 夫 。警 員 肯 農 說 ： 「 莎 拉 致 電 九 一 一 報 警 ， 我 們 抵 達 現 場 時 ， 只 見 受 害 人 攤 屍 起居 室 ， 背 脊 貼 在 地 上 ， 眼 睛 如 高 爾 夫 球 般 凸 出 。 很 明 顯 ， 他 見 到 沒 有 男 人 想 見 到 的東 西 。 」馬 庫 斯 的 朋 友 向 傳 媒 透 露 ： 「 他 告 訴 我 兩 人 結 婚 前 莎 拉 是 個 漂 亮 的 辣 妹 。 」可 是 一 套 上 戒 指 ， 她 暴 食 得 全 身 充 滿 贅 肉 ， 臉 頰 鬆 弛 ， 雙 眼 也 被 贅 肉 擠 成 一 條 細 縫， 而 且 牙 齒 全 部 蛀 掉 脫 落 。

「 我 只 是 想 令 他 開 心 」莎 拉 已 被 還 押 監 房 看 管 ， 不 准 保 釋 。 她 否 認 謀 殺 親 夫 ， 說 事 件 純 屬 意 外 ， 還 向警 方 哭 訴 ： 「 我 婚 後 體 重 暴 增 ， 我 們 自 此 沒 有 做 愛 ， 我 只 是 想 令 他 開 心 。 」 她 更 說自 己 錄 下 了 「 驚 喜 」 的 一 幕 ， 本 來 希 望 跟 丈 夫 之 後 重 溫 這 「 誘 人 」 的 一 幕 。 但 警 方現 時 仍 懷 疑 她 這 樣 做 ， 其 實 是 「 深 謀 遠 慮 的 冷 血 謀 殺 。 」美 國 《 世 界 新 聞 周 刊 》

----------------------------
seen it from Sinfairy's blog


Actually i dun feel this news is funny at all. It is a sad story, a really sad one.
That woman is just trying her best to make her lover happy. But now, her lover died, and the people around her think that she did that to kill her man!
ai.. what a poor lady..

OMG...

I dunno what was happened to my computer...T-T ..
well..maybe i know.., most likely my computer has another virus again..
ai.. maybe it is not sth bad coz somehow it can help me be more focus on my coming exam"S"...

luckily, i will hv a new computer to use after 4/6, in my new home in canada. so everything should be fine and i can post things in CHINESE again. heeheeee~~~

(hope u guys can understand my "english". :P)

第三者

我一向都好唔贊同人去做第三者。
做第三者同做恐怖分子一樣，都係自殺式地破壞。人地段感情本身病病地，無端端被炸死咗就當然惨；但係第三者係咪會開心先?! 咪一樣損手爛腳。咁又何苦呢？損人而不利己。
所以我一直認為，女人應該團結啲，唔好再做呢啲互相殘殺嘅野。

但，同我一樣咁諗嘅好朋友竟然做咗人地第三者。
我唔係怪佢，而係我會明佢其實好辛苦。淨係每晚想住"我男朋友而家同佢女朋友做緊咩呢?"已經夠難頂，仲要分分鐘驚被"發現"。

其實邊個會想自己做第三者。不過啲男人就係咁，話咩"俾啲時間我，我會同佢分手"、"其實我同佢嘅感情好有問題"，咁女人就好易會心軟。
但係佢地嘅感情有問題呢樣野，係個男人自己講嘅，可能唯一嘅問題就係佢身痕想出去玩。唔通果個男人會同你講"我同我女朋友感情幾好o架，我只係貪玩先去識第二個" 咩?
仲有，佢話會分手啫，到時唔分你都奈佢唔何。

我真係希望Honey 你要諗清楚。

Make The World A Better Place

之前睇到惠康出環保袋，其實都想試。不過，佢個 design 真係好求其，就咁加一大個 logo 就算，我自問無膽量拎呢個惠康袋去 shopping。
今日去百佳買野, 發現原來百佳出嘅shopping bag都幾 ok 喎。
袋上面無大大隻百佳 logo，顏色亦 ok (有緣 、橙、黑)，唔用時仲可以摺成小手挽方便拎出街。咁正嘅 design , 我當然支持啦！出街放定落袋，拎去買衫都唔失禮, 又環保。

(似廣告?....係，我確實係sell 緊你用環保袋嘅！你無feel 錯!)

來一杯薑茶

病到無哂胃口，兩日來都淨係想飲湯。今朝，一樣無胃口，於是煲左喲薑茶。嘩，我竟然飲左三碗，飲完真係舒服啲。

材料:
薑 (驅風呀) -- 要切片, 我唔拍嘅, 拍左會好辣....
蔗糖 (深色果種, 解毒嘅)
紅棗(補血)
桂圓(唔知有咩好, but 加左好味啲)
水

做法:
全部倒落去中火煲 15 分鐘

凍

廿七、八度的氣温還蓋着一張厚厚的被子會有何感覺? 一個字 -- 凍。
是感冒吧，我想。又或者，是我已經太久沒有得到温暖。
一向就是經常性的手凍腳凍。尤其當我病倒，就算再厚的大褸都好像幫不了我。以前，我總會捉着他那對暖暖的大手，又或是索性捲入他的懷中。那種温暖是特別的，不是靠暖包可以得到的。

我承認，我其實是一個非常軟弱的人。就好像這次，我身體病了，我心入面亦病了，我就竟然容許自己貪戀着不屬於我的體温。其實我知他心裡面沒有我，其實我知他大概亦不適合我，但又有甚麼關係，反正都快要走了... ...
別想多了，我只是貪了一只手臂。不過老實說，要是他吻下來，我大概不會避開。一直都要理智，一直都要循規蹈矩，今次我選擇自私一點。為甚麼不呢? 反正他對我亦很自私。亦反正，我都快要走了... ...

不過，貪來的都不會長久，回家途中感覺更凍更冷。一路行回家，感覺就像在冰冷的海底漫步。
很凍，真的很凍。路很黑很靜，身體就像在浮浮沉沉。
彷彿還聽得見有小氣泡在咕嚕....咕嚕.....

願望，還是簡單的好

尋日終於實行左我嘅沙灘之旅(計劃三號~!)。一次實行哂三個願望 -- 去海邊坐下 & 執一啲貝殼做飾物 & BBQ，爽！願望，還是簡單的好，唔使上山下海筋疲力竭就達得到。
好多謝哥哥帶病上陣陪我癲。兩個人嘅 BBQ, 其實都幾好。至少可以省略好多約來約去、等來等去嘅麻煩，十五分鐘就買完野上車出發。

唔知點解，我真係好鐘意海。
或者山太硬崩崩，天又太高，河又太急急忙忙，瀑布亦太嘈嘈閉。唯有海，又親切又温柔。而且，我總覺得對住大海，就可以比較接近同樣住喺海邊嘅她, 和他。
或者我唔會有時間去同Amy 講再見，或者我唔會有勇氣去同王子講"我會掛念你"，所以我喺沙上寫低左要講嘅說話，等浪將佢地沖出去，將說話送出去。
好白痴呀呵? 我都知。不過當一個人無哂辦法，再白痴再自欺欺人嘅方法都會去試。做左，至少我可以同自己講我試過、盡カ過。就當，了一件心事。

尋日執左好多貝殼，我用左少少整左一對耳環同兩隻介子。
好滿足。

Help me, My Lord

點到你唔承認冥冥之中有一個主宰。
本身仲想去約佢，無啦而家，一考完試就要走。
一日嘅時間都唔俾我。

I believe in you, my lord. You know I always do.
So, if he is the one, please let me know.

花販的話

有一位花販告訴我幾乎是所有的白花都很香愈是顏色豔麗的花愈是缺乏芬芳，他的結論是： 「人也是一樣，愈樸素單純的人，愈有內在的芳香。」

有一位花販告訴我，夜來香其實白天也很香，但是很少聞得到， 他的結論是： 「因為白天人的心太浮了，聞不到夜來香的香氣。 如果一個人白天的心也很沉靜，就會發現夜來香、桂花、七里香，連酷熱的中午也是香的。」

有一位花販告訴我清晨買蓮花一定要挑那些盛開的， 他的結論是： 「早上是蓮花開放最好的時間，如果一朵蓮花早上不開，可能中午和晚上都不開了。 我們看人也是一樣，一個人在年輕的時候沒有志氣，中年或晚年就更難有志氣了。」

有一位花販告訴我，愈是昂貴的花愈容易凋謝，那是為了要向買花的人說明： 「要珍惜青春呀，因為青春是最名貴的花，最容易凋謝。」

有一位花販告訴我，每一株玫瑰都有刺，他的結論是： 「正如每一個人的性格中，都有你不能容忍的部份。 愛護一朵玫瑰，並不是得努力把它的刺根除， 只能學習如何不被它的刺刺傷，還有，如何不讓自己的刺刺傷心愛的人。」

[轉貼]

長信?..短訊?...

唔係玩歌詞，而係真係苦惱緊。距離離開嘅日子越來越近，就越覺得煩惱。

點算好?
真係寄一封長長嘅信，將呢七個月心裡面所有所有說話都寫入去? 定send 個SMS / Email，講一句"願你一切安好, Take Care."? 好唔好要求見面..話係想還返鎖匙?..定直接咁講 I miss you much?
定係，其實我唔應該?..

當初選擇同意一刀切咁分手，好勝嘅我總以為自己可以抬頭大步一個人走。但，原來"在跌倒的地方站起來"根本唔易做到，我根本無再企返起身就迫自己向前，用手一寸一寸爬下去。終於爬到損手爛腳，先知道問題一直仍在。
我知道我要去處理好佢。
不過, 我應該點做?

又到考試

自兩歲起入學嘅我，將要面對我嘅學海生涯中第ニ十個年終試。
但我知，畢業以後要面對嘅“考試”比學校嘅考試難十倍。
其實，我好怕。

自信，問題係關於自信。
年多前睇過一份報告，關於女性自信嘅報告。當中講到若果一個女性可以每日得到愛人嘅擁抱，佢就會更有自信。女人一開始戀愛，也就會更懂去愛人。因為被愛係一種肯定，所以自己亦會更肯定自己。又因為被愛，人亦變得比較溫柔平和；心境唔同，連世界亦變得比以前可愛，因此遇到壞事時亦易接受得多。
當時，我亦曾經經歷過。我亦曾深深相信我值得為自己驕傲，深深相信我係一個幸運兒。連舉止談吐都唔一樣，眼神都更明亮。

或者考試前，我需要儘快談一埸戀愛。

睡吧

聖經中有講到曾經有個人好煩惱好憂愁，神就使佢靜下入睡。
無錯，覺得幸苦就最好咩都唔理瞓一覺，如果仲可以瞓得到嘅話。

呢二、三日唔知點解全個右半身都好痛。最辛苦嘅係手指關節位就好似被針刺一樣，手掌亦有啲痲痺。我，整個星期一就喺張床度過。幸好瞓得到，瞓着就唔知痛，身和心都唔知痛；仲兼可以暫時忘記即使再痛，我己經無權捲入果個懷抱要求安慰。

可以沉沉睡去，亦係一種恩賜。

二十週年堂慶

我越來越覺得，我已經離唔開教會。

今日係二十週年堂慶，我要負責照顧兒童合唱團。果一班小壞蛋真係破壞力十足，但佢哋又有能カ令你嬲唔落，救命。
姨姨話:"你太溫柔啦，要惡啲嘛。"
唉呀，不過我享受自己可以溫柔地照顧佢哋嘛。對住其他人，就會有顧忌。
要知道，女性嘅溫柔最易招惹是非誤會。


至高者的懚密處

望落霞 默然地沉聚天邊
高空裡 每日每夜透着眾光閃
這宇宙 定能覓尋讓你心安處 心安舒

造物神造全地全是美意
衪知你 顧念你在你求告之先
縱世上 事情是常令你多失意 多虧損

在眾山峰的高處
在眾水的深深處
在眾星 紅日外
藏着謙卑寬恕

活在神 實行在神話語裡
安於 至.. 高.. 處...