缺撼式大男人主義 .\_/.

尋晚同一個廿三、四歲既男人傾開婚後生活。OMG~!聽完果一刻, 真係幾唔開心。
佢既觀點大致上係話「我老婆一定要出去做野」「即使結左婚, suppose 佢都係要經濟獨立」「正常既成年人就係要有份工有野做, 家務≠工作」。
聽完, 得一個反應--搞錯呀!再主觀d再專制d再不負責任d 呀!唔係「最好/希望/想我老婆做野」喎, 係一定喎!仲要講到唔賺$ (係, 唔係唔做野, 係唔賺$ only)就係唔正常，係社會既寄生蟲咁喎!
以前拍拖，我仲曾經因為想做part time, 同男朋友嗌大交..唉....
咁講真, 我自己話要出去做野一件事喎, 我頂唔順果d "一定" 架喎。我真係"一定"要做野既, 使唔使仲要嫁比你受你d閒氣先?我阿爸都未話我一定要做野啦。如果我真係因為需要分擔開支而去做野既, 我同我老公一定要係平等關係, 我唔會受佢d 大男人既野架，我為咩要咁委屈呀。以前男朋友係就係大男人, 要我聽佢講, 鐘意管住我；但係佢享受佢既權利, 就會負起佢既義務，衣食住行, 除左住外, 佢都照顧得我好好, 我根本完全唔使費心, 唔會只係想控制女人而無照顧佢既心。
老實講句，我讀咁多書，我都唔會捨得咁快放棄我既事業；不過邊個女人唔想有人可以照顧自己?結婚，都係想有個歸宿, 有個依靠。環境迫人, 兩公婆都要工作係因為無辨法，但唔可以連想照顧佢負擔起佢既意識都無囉!

赤柱遊~!

尋日, 去左同Carmen姐( Yeah~! 仲唔到你二字頭~ Wakakakak)慶祝生日。都有一段時間無見啦, 不過好朋友始終係好朋友, 即使唔見一排, 感覺上依然係好 close, 同o係太空校園時一模一樣。
好嘞, 講返尋日。經過Amy 同我兩日來既反復討論，我地決定去赤柱行下。本來呢個決定無咩問間, 衰就衰在....尋日落雨。去到赤柱, 一來大風ニ來落雨三來本身天氣凍, 我地只係急步行過下就算,都無乜停低。然後去到赤柱廣場, 竟然撞啱有Hip Hop舞比賽。嘩嘩嘩~~!! 一個字--型!尤其係表演嘉賓果隊..真係..太太太厲害啦!
睇完靚仔, 就坐車返去重慶食咖哩。一直都恨去試既咖哩, 又真係好好食喎, 無令我失望。食完之後, 個侍應拎左三杯仔唔知乜野既野黎.. ...一聞..成陣香薰油咁既味。我同Carmen 都話, 唔係見到裡面有nuts 既, 我仲以為舊野係用黎洗手... ..
食完飯, 就去左食甜品。我同Carmen 都不約而同咁叫左碗木瓜糖水。好姊妹，果然諗既野都一樣, 想食野"補"下"。到夏天，記得約埋我去沙灘曬下我地努力既成果! Hahahah~!食完糖水, 打左陣機, 行程完滿結束。
雖然下年呢段時間我未必喺香港，但係我都希望, 你以後既生日，我都有份同你慶祝。Happy Birthday!

港男港女, haha 好到

男方日記：不經不覺已經二月，不到兩個月就高考了。唯有過著自修室加快餐店的日子。今日自修室一開門我就入去鋤書，跟住LUNCH去裕民坊整個快餐再砌過喇。五點關門得閒無野做諗住去觀廣睇下有咩新GAME。點知比我發現A.P.M間星巴克開左，理得佢，上左去睇下先算。嘩……有條女斯斯文文好似幾靚女既FORM五度一個人係度飲咖啡。我當然唔會錯過呢個機會，去買杯最貴既唔知乜野咖啡坐佢對面張枱，再拎出一本諗住係自修室睇既書，米蘭昆德拉作既《生命中不能承受之輕》簡體中譯本。諗住係佢面前顯示我既修養，我多次向佢打眼色，佢一D反應都無。頂~~比佢晒左我二十幾蚊。拿拿臨飲完杯咖啡去裕民坊整本便利加份蘋果叫埋阿恆去觀塘廣場間大家樂吹水好過。咦，D咸片廣告又換左新野喎，不過呢排慣左BT。阿恆係度食TEA，我就睇波經，諗住信青蛙仔買番場波，落去馬會買左條三串一。上番黎點知比我見到之前星巴克條女同個FD係度睇姊妹，講野又鬼咁大聲。原來之前係度扮上菜，而家D港女真係不知所謂。
女方日記：今日訓到成十二點幾先起身，扮完靚靚之後兩點去左瑞和街間自修室度，點知無位喎~~唉~~唯有去A.P.M間starbucks溫書同埋食野啦~呢度真係好好哇，又無乜人，既可以專心溫書，最緊要係可以睇下有冇靚仔丫嘛~~等到五點幾，突然有個好arm我feel既男仔入左黎，仲坐我對面tim~~我仲見佢拎左本書出黎，我都唔知乜黎，但係好似係d好出名好叻叻ge書，大概係梁望峰D書掛，我真係好想好想去識佢呀，佢好似幾有性格，但係我又要保持矜持，我女仔黎架嘛 >.<。佢仲係咁電我tim~~唉…我已經比晒signal叫佢過黎架啦，但係佢又唔知點解走左去>.<，嗚嗚，算啦，係佢自己唔識貨之嘛。之後同埋TRACY去左業發八樓睇下有咩化妝品特價，買左二百幾蚊野，嘻嘻。見仲有d時間，TRACY就話想去大家樂食少少野，我未買本雜誌陪佢囉。點知上到去見隔離枱有條友係度睇便利，仲講電話三句唔埋兩句粗口，憎死佢，佢應該仲有個FD架，但係原來佢個FD就係頭先starbucks果個男仔，唉~，而家D男仔個個都係又咸濕，又講粗口，仲要賭波。唔通香港無晒好男仔咩!!
from 秋風籃@hkgolden

黑仔王

呢兩個月, 睇E生睇到怕。食d抗敏藥, 搞到我成日無哂精神。
黑仔王既我, 尋日覆診, E生竟然要去開會；等到佢開完會, 洗耳舊野又壞左，去借第ニ間診所果舊, 點知果舊都壞埋。洗唔成耳, 唯有又滴藥水。呢期耳仔日日比藥水"up"住, 嗱到又紅又痛.. ...
突然發現, 我其中一件好鐘意既衫, 無啦啦多左三點漬..
睇書, 又可以比本書到隻手損哂....
今日打 Diary,本身打左好大篇, 點知突然跳制, 電腦息左.. .....所以最後我只係有心情打返呢段仔。
我發生緊咩事?..

YEAH~!!!!!

Hahaha~!搞掂啦~!Show 到 d entries 啦~! 仲唔比我K.O.你!

唔好問我呢個電腦白痴點整, haha 我係 Machiavellianism -- 不擇手段架!!但係都要多謝Taka, 你真係好人!
好嘞, 大致装修完, 搬竇成功!

P.s. 有冇發覺個website 既 title唔同左呢?..唉..原來呢度..title..唔用得中文..too bad....."語言歧視" ....

玩殘...

比呢個Diary玩殘左... ....
唔知點解整極都顯示唔到, 但係 preview又ok架喎!!搞唔掂..無法, 幸苦你地去Archiving Check 我有冇new post 啦.....順帶一提, 連埋呢篇既總共三篇, 果個日期&時間係跟左太平洋唔知咩咩地方定咩咩經緯黎定既, 簡單講句即係..唔使理~

今朝起身先發覺己經遲到,灰爆。既然遲到, 我就索性唔上, 去liba睇書好過.. ...唔使讚我"乖",我知左好耐啦！hee.......

無長期病患 既 長期患病者

自從姨丈返左Canada..我就一直病到而家...唉...
依然係半聾, 而家仲要痛添, 個鼻就塞哂。為左睇醫生, 要cancel個 Gathering 添.. sorry ar...

木哥哥從佢既日本之旅, 帶隻痛脚返HK留念... ...至威係你啦!型哂！
希望你早d做手術早d好啦。

比比, 唉...睇左你Diary, 你知我唔識講野, i just want to tell u, 永遠支持你~!!

呢期再任愛情輔導員.. ..
前男友遺傳問題、戀愛性思覺失調、忽冷忽熱症候群.. ...
我聽到都分唔清d 細節.. ...anyway..我好樂意做你地既苦水筒, 希望你地都可以永遠幸福

新~!!

搬到新竇啦！
點解無端端搬? 無既, 覺得舊既野,就比佢靜靜地保留住就好,唔好再掂佢啦.. ...

前日..偶然下得悉Holly既死訊,呆左
Dun worry, Holly係一隻貓, 係前男友既貓。因為咁, 呢兩日神不守舍,仲有衝動靜靜上去佢屋企添。
可能你地好難去明點解, 但係我真係好懷念以前。事情發生左, 就己經成為我既History, 係 part of me, 就算放低左, 但仍然會偶然記起。何况, 佢真係第一個令我覺得..佢真係懂得點愛我, 真係好了解我.. 真係..真係可以令我愛佢一世。可惜呀..haha, 唔係你既, 恨都無用。

呢幾個月, 我都好平靜, 但有一樣野, 我只係講左比一個人知,無同其他人提過。Sorry my fd, 因為我知你地會話我傻, 阻止我。分手後無耐, 我就發現左學校有個lecturer同佢媽咪好似, 我忍唔住去sit佢堂,甚至同佢通email。不過佢呢個sem 走左啦.. ...

Anyway, they all passed lu...
都過左去既, 就由佢過去啦..

But i will alwasys miss u