人在做，天在看

原來各位朋友都好擔心我，可能我比人既感覺太柔弱。心情，其實已由不停追問點解既不接受，轉到平靜咁面對。我相信，Amy, 會樂於見到我勇敢冷靜。
尋晚，收到師傅電話。Amy 指定想我同另一位契妹送佢。Amy, 多謝你於最後依然無忘記我。
講起尋晚，其實我聽過電話之後，我心情好激動好憤怒。原來嬲，真係會令一個人不停打震。
叫得一聲師傅，我會比返應有既尊重，我不致於無修養到公開對人說三道四；亦不管佢配得與否，我都要尊師重道。

但我相信，大家對Amy 有幾真心，大家為Amy做過幾多，每人都有眼看有耳聽！

大家唔知既事，即使瞞得過世間人，都尚有Amy知、天知、仲有自己既良心知！

唔好以為，我會因為知道一啲事而去當眾責備果個人。一來我無資格；ニ來，我唔會做任何事去令果個人感覺上贖罪咁，我要佢一世受良心責備，承受返果種痛。

放心，既然Amy 用佢既生命埋藏一個秘密，我唔會同人亂講說話。

但，人在做，天在看, 我深信..