哈爾的移動城堡

終於睇左。
好鐘意好鐘意呢部動畫。

其實，大家都係失去左心既人，大家都未老先衰... ...只係，我地既世界無神秘既魔法，我地既世界太實在，我地都唔會察覺自己失去左個心，我地塊鏡照唔出心靈既老態。

忘記睇到邊一段情節，我，流下眼淚。或者我太眼淺，已經承受唔到感動。

呢部動畫，睇得出作者係有好多話要講..
一個再老既女人，都會仍然瘋狂地追求愛情；
心靈美麗，就足夠傾倒一個王子；
戰爭，都係殘酷而不需原因既；
愛，可以感動每個人；
為愛默默付出，唔代表你就能得到回報；
外表可愛無辜既人，先係令你被出賣都唔知既人；
愛上一個無心既人，係唔會有結果；即使他亦愛你，他亦無法令你幸福.. ...

荒野女巫：你，戀愛呀？
蘇菲：哦?....
荒野女巫：由剛才開始你一直唉聲嘆氣喎.. ...

其實，我並不難懂

點解我個日記叫 Souv. de la Malmaison ?! 就係因為我鐘意囉，需要咩特別既原因既咩?... ...
如果真係想知多一啲，search 一下就自然會知究竟呢個名係咩黎同有咩故事。唔嘗試去了解，又點可以就此斷言我係一個唔易理解既人呢...

其實我，係一個好直接既人。通常想太多既，都唔係我自己。

0803-- 29/3

Sorry... 我既反應確實敏感左小小。或者呢排我心情唔好，所以情緒化左啲。 Anyway，希望各位唔好介意。

1819-- 29/3

為自己 止血

大概我係無能力為傷口解毒，然而再唔為傷口止血，亦係於事無補。或者人生本來就有太多無可奈何，人注定係要迫住接受一啲遺憾。

記起一部睇左無幾耐既電影。裡面有一句旁白令我印象好深刻：

『有一啲痛苦，只有經歷過既人先可以明白；對無經歷過既人黎講，係不能理解既。』

無錯，有一啲感覺，的確無法言傳。

尋晚，足足傾左九個鐘電話。彷彿，我又返回去大專一年既時光；可以肆無忌憚咁任性、可以出盡全力去尋夢尋快樂。

復活節

今年，我並未因復活節而得到喜樂。
大概，係因為我既心靈有好多主唔喜悅既憤怒同恨。
聖潔既心，應該只有愛。
但神都要罪人自己求寬恕先會去卸免佢既罪，
試問我又點能夠去原諒一個連求被原諒都唔肯既人?

不過我知我會克服到呢種恨，因為我知道如果佢在生時堅持無處理呢個錯，我既主會要佢得到應有既下塲，一定會。

殘忍

請原諒我唔想講出我未能平伏既原因。這原因對於大家都太殘忍。

Amy 既朋友，如果你相信，人離開世界後會往一個極樂世界，又或者可以輪迴再世為人，於這刻我請你暫時繼續相信；如果你相信人死後如煙火散去，不再有靈魂有知覺，那都請你暫時不要思考宗教信仰。如此一來，你可以相信Amy既離開未嘗不是一種解脫--佢不一定過得更快樂，但至少不會更痛苦；你亦可以相信Amy 只係放棄在人間存活既權利，你會為佢不捨、不值，但到底這亦係一個了卻傷痛既做法。

我衷心希望，你地如此相信，雖然我其實不該如此希望。呢個心情，就大概只有芷欣妹妹可以明白。

其實在於我，死並不可怕。因為死對我而言只係另一種生活既開始，一種快樂生活既開始。我相信，你係無法理解堅持相信呢個想法有何痛苦。我亦希望，你暫且不要理解。我唔想你與我於此刻有同一種感覺，亦唔想你與我一樣原諒唔到果兩個人。

我，會努力去克服心中既恨；我理解，果個人其實唔知佢做既事，比佢自己想像中殘忍一億倍。

多謝

呢幾日，多得各位朋友陪伴。
芷欣妹妹, Carmen, Hero, Steve, 你地令我感到好温暖。會互相照顧扶持，先係真正既朋友；同甘易，共苦難。

仲有，我要多謝真係當我妹妹般疼錫既木哥哥。我知道佢自己都有一大堆煩惱，但係佢都仍然好努力安慰我。
嘿，你睇到既話，我想話你知，呢個世界無一樣野會係必然架。你待我好，我知我要感激、多謝你；嫂嫂待你好，你有冇忘記感激佢既付出呢？唔好因為相處得耐，就覺得一切理所當然呀。女人要既，其實只係一份珍惜同重視，多啲欣賞佢既好啦！

原諒不了

越了解整件事，越發覺事實既醜惡。
壞消息既本身，已經夠不可置信；但壞消息引發起既事，更加令人不敢相信。呢個月，我聽到太多荒謬絕倫既大話。

Amy既事，暫時告一段落。我最後都係忍唔住望左一眼，我怕後悔。
我會努カ代禱，希望以後還可以於天家重聚。

希望佢喺離世果一刻就再唔知道以後發生既事。

還是會哭

真係再撑唔到落去.. ...因為人性既醜惡，因為見住伯伯、伯母既哀傷，
更因為，今次真係真係要同妳作最後既告別..

點解妳要將信任交托比呢兩個"人"..

失眠夜

竟然失眠。
以為幾日來刻意遲訓就可以避得過，睇黎我太天真。
一失眠，世界就變得好冷清。

我好需要好需要一個温柔而温暖既擁抱，

一個安慰既擁抱。

真係好唔想出席。總覺得，唔出席就唔會見到一個枯毀既軀殼，一切都仲未成事實。

未成事實... ...

我認識既果位，我記得佢有氣息有靈魂，有明亮既眼睛... ... 無靈魂既軀殼，太孤獨太荒凉。

由我伴妳走，這最後既一段路。

既使妳，還未對我講再見。

還未...

我會發著呆 然後忘記你 接著緊緊閉上眼 想著那一天 會有人代替 讓我不再想念你 我會發著呆 然後微微笑 接著緊緊閉上眼 又想了一遍 你溫柔的臉 在我忘記之前

又想了一遍 你溫柔的臉 在我忘記之前

憤世嫉俗?!我?!

唔知大家仲記唔記得A-level時中文果篇《唐山大地震》?裡面講到其中一個生還者，因為被困於黑暗中兩日先獲救，從此極度害怕黑暗。有一個，因為獲救後第一件事係飲葡萄糖水，自此唔敢食甜味。
唔知大家又有冇聽過一個關於鯊魚既實驗。將一塊大玻璃放喺鯊魚池中間，將後o係玻璃另一邊放啲魚。起初鯊魚會撞向玻璃，但當然佢唔會成功食到啲。經歷過無數次失敗既鯊魚，最後學乖左；甚至收返塊玻璃，佢都唔會再游過去。佢，怕痛，怕再次焦頭爛額，怕受傷害。

我都係一樣。

人都係從其他人或自己既經驗中學習既，我所學到既係感情太飄忽。有人可以好勇敢去愛，我羨慕；有人可以為愛不計代價不惜後果，我佩服。只係我清楚明白我對愛情太細膽懦弱，我做唔到。我需要平穩，我需要可預計既未來。

尋日木哥哥突如其來既一句"你好似好憤世嫉俗咁喎"，真係令我呆左一呆。無錯，我討厭呢個咁現實既世界。如果可以，我想做返一個單純無機心天真開朗既我，生活o係簡單美好既世界。但我知我要去適應現實，我要好好保護我自己，所以我變得比現實更現實。我討厭我而家咁樣，我覺得醜惡。我太害怕受傷害，而呢個世界又有太多去傷害人既人；我唯有扮成一隻刺猬去保護自己，然而呢個我令我心寒。

我依然相信有好人存在，然而我好難去相信一個人係好人；我依然信有人會愛我，然而我唔會相信人既愛會係無條件既愛，亦唔會相信靠住愛，可以一生一世。

麵包?

半年啦... ...
無見半年, Polly 揾到個新男友, 阿羊就多左個過氣女友... ...
討論起愛情與麵包既老問題。自己未需要抉擇，當然可以超理智咁大發偉論；然而我明白，當事人要做抉擇，真係需要好大勇氣。比你, 又會點揀? 如果一路都相處得唔錯，但係個男人環境唔好要時時問你拎錢，你會接受到嘛?甚至，有左BB, 你會嫁佢嘛? 一世呀..講既係相處一世呀。貧賤夫妻百事哀，為佢捱一世?又或者咁講, 佢專一重要，定佢爭氣重要? 愛真係可以填補一切?
我真係唔知。

八十大壽 Gathering

尋日出去見返班"8X人"。
上晝同木哥哥唱K、去Cafe飲野然後睇戲，夜晚一行十人去食飯，超充實既行程。
o係 Cafe 坐左兩個鐘，睇相玩UNO傾計，跟手玩埋占卜，玩得勁開心。兩個人玩UNO，原來無聊得來幾搞笑架喎，一路玩一路笑到傻左。
睇左占基利套新片，完全無令我失望。占基利既戲同個故事同樣一流，個美指都 ok 喎，overall 可以值75分!
尋夜晚餐飯本身幾ok，啲野身唔錯，可惜，我個胃頂住咁，食唔落野。 AND，尋晚有個突然join 我地 dinner 既人，我對佢印象認真麻麻，真係唔係好想知我同佢同年。我覺得英文唔好，唔係一件羞恥既事，中國人英文唔好有咩好羞恥?唔識中文同禮義廉恥就差啲。我覺得最唔好既，就係識少少就以為好醒好勁囉！如果你自己既標準係英文好就好得好掂，咁只會令人覺得識得少少既你好唔得好唔掂好失禮囉。

睇你正唔正常!

睇你正唔正常!小心!笑死你
http://www.frenzy.com/~jester/racecar.html
[1] Turn on the Speakers and allow the page to load fully調高speaker音量 (不是恐佈網, 唔使驚)[2] Stare at the Picture without laughing for 60 seconds望實幅圖, 忍住唔準笑六十秒
[3] If you start laughing consider yourself legally insane如果你笑, 証實你係痴線~!

我話你知, 我係痴線架!
hahahahah

赤貧人..

今個月駛錢駛到倒水咁。
報 courses 、買上堂用既野、買書、買袋、申請啲乜乜物物證，仲有因為"突發事件"要用既錢。堅持唔用咭既結果係- 我啲"流動資金"流哂去！呢半個月真係要就住駛，唔係就真係要練仙先搞得掂。

一早都知無論咩事，人事關係都係好緊要，但而家先真正感受到。好簡單既一份 Management Report，本身應該唔難做。衰就衰在HR 既資料一向比較敏感，想要 reward system 既資料? staff turnover rate?開玩笑! 要interview HR manager?sorry, 我地公司唔會接受呢類 interview架喎。
就因為咁，成班同學就大致分左兩批：屋企有人做高層搭路有得 interview 既 & 冇人搭路轉去做問卷既。In 個 HR director拎到既料，當然同求其問個小職員既好唔同啦。呢啲就係無得避既唔公平囉。所以話，平時多啲同世叔伯搞好啲關係真係好緊要~!好在我平時都 ok 乖啫( at least 扮到似 ok 乖啦, wakakakak)~!

94項世界上鮮為人知的事

1.沒有一張紙可對摺超過7次
2.根據統計每年驢仔所殺的人比飛機失事所死的人還多
3.人睡覺比坐著看電視所消耗的卡路里還多
4.第一種有條碼的物件是香口膠
5.Wright’s Brother發明飛機後第一次試飛的路程比一架波音747飛機的飛機翼還短
6.1987年，美國一間航空公司將每個頭等機位的飛機餐減少一粒橄欖後，節省了約35萬港元
7.很多人每朝起來都喝一杯咖啡提神，但其實一個蘋果比一杯咖啡還有效
8.你的家中多數塵埃都是你的死皮
9.洋娃娃Barbie 全名是Barabra Millicent Roberts
10.希特拉的媽媽在懷有希特拉曾認真地考慮墮胎，不過被醫說服，結果把他生下來
11.瑪麗蓮夢露有6隻腳趾
12.電影裡，ET的腳步聲是由一位工作人員用手將o者o里搾爛
13.珍珠在醋中會溶
14.登尋找情人廣告中，有35%是已婚人士
15.你有可能將一隻牛拉上樓梯，但牛是不懂下樓梯的
16.豬不能仰頭望天空
17.‘quick brown fox jumps over the lazy dog' 可以用盡26個字母
18.鴨的叫聲是不會有回音的，暫時沒有人知何解
19.蝸牛可不吃東西睡3年
20.著名影星Tommy Lee Jones與美國副總統曾經是哈佛大學同房
21.如果一個月中，第一天是星期日，那個月便出現黑色星期五
22.把石頭放在微波爐中加熱會爆炸
23.1,111,111 x 1,111,111 = 1234567654321
24.唯一一個有15英文字母而又不會重覆是的英文字’uncopyrightable’
25.貓可發出超過100個音，狗卻只能發10個音
26.愈黑的環境下，貓的排尿次數會增加
27.將一個硬幣向上拋1000次，字向上的次數是495次，不是500次，因為公較重
28.根據牛頓字典世界上最長的英文字是 'pneumonoultramicroscopicsilicovolcanoconiosis’
29.人體的胃每2個星期便會更新一次分泌物，否則它會自我消化
30.可樂原是綠色的
31.夏威夷文只得12個字母
32.走路上班的人最高比率的省是阿拉斯加
33.如果Barbie是人類，她是身形是39-23-33
34.美國平均每小時在空中的人有61000人
35.只有一種食物不會變壞:蜜糖
36.在加勒比海附近有一種蠔是會爬榭的
37.世界上最年輕的父母在1910年出現，一個8歲及另一個9歲的中國人
38.人顃的鼻及耳是畢生都不斷長大
39.日本有一種正方形的西瓜，為的是方便收藏
40.海星有8隻眼，每隻腳都有一隻
41.有些昆蟲的眼是有毛
42.一條長頸鹿的舌頭有2尺長
43.大象可用頭來站立
44.螞蟻早上醒來會抓癢
45.偉大發明家愛迪生是怕黑的
46.世上最老的金魚是41歲，名叫Fred
47.愛因斯坦9歲時不能流利說話，他媽媽曾經一度以為他是弱智
48.阿拉伯的女人可以因為丈夫不為她倒咖啡而提出離婚
49.只有55%的美國人知道太陽是一個星體
50.多數唇膏是有魚鱗的
51.長頸鹿沒辦法咳嗽
52.貓頭鷹是唯一能夠分辨藍色的鳥類
53.一隻鯨魚一分鐘心跳只有九下
54.我們喝到肚子裡頭的水已經有三億歲了
55.只有百分之三十的人可以放大縮小自己的鼻孔
56.一隻牡蠣的性別會由男變女，此後一生中還會變個幾次
57.根據一項1845年由英國通過的法律，自殺是非常嚴重的罪，最重可以處以吊死的極刑
58.在太空中太空人是沒辦法哭的，因為沒有地心引力，眼淚流不出來
59.一隻變色龍的舌頭是牠自己身體的兩倍長
60.最常用牙籤的人是美國人
61.一個正常人的眼部肌肉一天平均要動上一萬到一萬五千次
62.大象死後還會保持站立姿勢
63.有些昆蟲沒有頭還可以再活上一年
64.達文西光是畫蒙那麗莎的嘴唇就花上十二年
65.玻璃破掉時，玻璃碎片的時速最高可達每小時三千英哩
66.乳牛聽音樂時可以供應更多牛奶
67.下午摘下的玫瑰比清晨摘下的玫瑰更能持久不枯萎
68.虎鯊的胚胎在母親的子宮裡需經過激烈的搏鬥，勝利者就是可以活著出生的小虎鯊
69.一隻70磅的章魚可以穿過一個僅一枚銀幣大小的洞，因為他們沒有脊椎
70.印尼竹節蟲是全世界最大的昆蟲，有些光是身長就有一呎長
71.其實，河馬跑得比人快
72.降落傘的發明人把第一次乘坐降落傘的機會讓給了一隻狗
73.一台波音747的機翼長度恰巧是萊特兄弟第一次飛行的距離
74.一隻日本大螃蟹可能長達12呎
75.剛出生的小火雞要有爸爸媽媽教導如何吃東西，不然會餓死
76.一隻鯊魚可以偵測到水中僅百萬分之一含量的血液
77.森巴舞的森巴原來的意思是一起磨肚臍吧
78.小孩子在春天長得比較快
79.蝙蝠是唯一能飛的哺乳動物
80.一隻毛蟲身上有超過兩千條的肌肉
81.人的心臟可以產生把血液噴出三十尺高的壓力
82.公的合掌螳螂頭還在身體上的時候沒辦法交配，所以，母的合掌螳螂在進行交配之前，先要把雄的頭砍掉
83.蝦米的心臟在頭部
84.你永遠不可能用你的舌頭添到你的手肘
85.世界人口５０％的人從來都沒有接過電話
86.老鼠和馬不能嘔吐
87."Sixth Sick Sheik's Sixth Sheep's Sick "是英文中最難以發言的一個句子
88.打噴嚏過于強勁了，會導致胸腔破裂，但是如果你想要將這個噴嚏強行忍住，卻會導致你頭或者是脖子中某個血管的破裂，另外，在你打噴嚏的時候，如果你堅持睜著眼打，說不定也會把你的眼球給一起打出來
89.如果你打電話超過一個小時，那麼你耳朵裡的耳屎會增加大概７００倍左右
90.打火機是比火柴更早發明出來的
91.找情人的廣告中，有３０％是已婚者發佈的
92.據說，在你睡覺的時候，在你不知不覺中，你會吃入七十多種虫子和十多隻蜘蛛
93.據說貓的尿液是夜光的
94.據說，７０％的看過這個文章的人，都試圖進行過同一個動作：那就是用自己的舌頭添 自己的手肘

撘錯線

仲記得我之前提過既奇怪關係嘛?唉，真係衰，無得繼續，佢(好在佢唔睇我Diary, 哈)太貪心啦。一早我已經講過我唔會去做第三者架啦。
如果佢係鐘意我，就會尊重我，會考慮我既感受，唔會要我咁委屈去做一個唔見得光既第三者。咁既然佢連我既感受都唔識尊重，我仲接受既話我咪好cheap.. ...同埋，我都唔知點解佢會以為我愛佢愛到咁緊要，嚴格上黎講連好鐘意都講唔上嘛。唉，佢未免太自信爆棚，撘錯哂線。

今日無啦啦被鬧，為一條短褲。媽咪一見到條褲就發哂脾氣，話而家係咪無錢買衫，做セ要着"爛"褲，乞兒條褲都未有咁爛喎.... ... O 媽咪，真係服左你。

紿像我一樣的電腦白癡，及在我身邊既"N"個電腦勁人

─═☆ Yesterday
Yesterday,
All those backups seemed a waste of pay
Now my database has gone away
Oh I believe in yesterday.....
Suddenly,There's not half the files there used to be
And there's a milestone hanging over me
The system crashed so suddenly
I pushed something wrong
What it was I could not say
Now all my data's gone and I
long for yesterday-ay-ay-ay
Yesterday,
The need for back-ups seemed so far away
I knew my data was all here to stay
Now I believe in yesterday


─═☆ Let It Be
When I find my code in tons of trouble
Friends and colleagues come to me
Speaking words of wisdom: Write in C
As the deadline fast approaches
And bugs are all that I can see
Somewhere, someone whispers:
Write in C
Write in C, Write in C
Write in C, oh, Write in C
LOGO's dead and buried
Write in C
I used to write a lot of FORTRANF
or science it worked flawlessly
Try using it for graphics!
Write in C
If you've just spent nearly 30 hours
Debugging some assembly
Soon you will be glad to Writemin C
Write in C, Write in C
Write in C, yeah, Write in C
BASIC's not the answer
Write in C
Write in C, Write in C
Write in C, oh, Write in C
Pascal won't quite cut it
Write in C

攰

去参加姑婆既喪禮。
其實雖然名義上大家係幾親既親人，不過我同爸爸果邊既親戚真係無乜感情，呢啲都係上一兩代人遺留既問題。
但係，唔知係環境既影响定咩其他既原因，我都覺得幾難過，尤其是當表伯喊到聲嘶力竭果下。我從來未見過一個成五、六十歲既男人會當眾脆地痛哭... ...
喪禮完畢，心情都仍然好沉重，仲頭都痛埋，唉。

姑婆

今日係姑婆出殯既日子。
希望您安息。

Introduction to Economic

其實任何事物，都有一個價。
相信有讀過經濟學既都會明白，銀碼本身係無意義既；價，係用黎簡單地表達"代價"既方法。根本上，只要肯面對現實，你會發現所有野都明碼實價，超級公道，你絕對有得揀。
舉個例，作奸犯科既人其實同人做緊交易，佢地賣命賣人格；婚姻就好似兩個人一齊租個共同生活，大家都要不斷付出，咁有啲人成日欠租唔比錢，或者人地要美金你就側側膊比人民幣，咁個合租人梗揾地方搬啦。
就係咁，每件事都總有個價，有啲收Cash, 有啲要分期支付。
不過價，係相對價格，對唔同人又會有唔同收費。我同你熟既，計你友誼平啲，得閒關心下我就夠；我愛你，咁我對你既忠誠就可以收順啲，比我知你愛我就夠。
而家，我買緊一個奇怪既關係。我覺得佢唔只朋友，但我唔想亦買唔起佢既愛，我只係買最平既優惠套餐，留住一段奇怪關係；佢對我，亦唔止朋友，但唔知係我唔抵佢買去擁有，定係因為佢供緊另一個既原因，佢都只係租住我感情既一角。
或者，大家都只係當比錢買娛樂，唔捨得付出太多，卻怕寂寞。

偶遇A先生

(A 先生 :If 你睇到, 希望你唔好介意。 haha)
今日同一位寫作人( at least 將會有可能係啦!)講返我既故事。既然要講, 咁當然我要喺腦中自已整理一次。我既感覺好似做緊"セセ大事回顧"節目咁，將我覺得回憶裡面值得記起既事有條理咁表達。喺講比佢聽既同時，亦比機會自己再面對過去一次。
突然覺得，自己真係幾幸福。過去既廿一年半，其實樂多於苦，大概我係無資格嗌可憐淒慘。
不過我可以話比你地知，我並唔係一出世就好似而家咁樂觀，亦唔係由細到大都好似而家咁有咁多朋友。如果比我形容，我會覺得以前我係一隻醜小鴨，﹝雖然而家都唔算係天鵝...﹞無セ自信，覺得自己唔靚，悲觀，怕事。同而家比, 真係差幾遠.. ....
咁講到究竟我心目中既天鵝要係點，其實我覺得外在既樣同身材係幾重要架。咁當然我覺得內在美都好重要，我覺得女人最吸引人既野應該係來自氣質，果種引起男人既英雄感、想照顧你呵護你既氣質。溫柔大方，親切可人，最高境介當然係高貴，來自教養同自信自愛既高貴。
但係對於男人，我既標準又唔同。相比起女人，我覺得男人既外表真係唔太重要，整潔乾淨就夠。但對內在呢，要求就高好多。要成熟、果斷能幹，總之至少比我覺得佢有內涵；對於專一，反而我覺得呢樣可以有少少讓步，如果佢條件好好，然後玩之餘好尊重我既話。最後一樣，我覺得男人係要有能力提供麵包，唔係要好有$, 但要夠普通生活囉。我從來都唔信有情係可以飲水飽既。
不過講真, 可以令我覺得佢"正"既男人，真係無セ。

P.s......
我把聲似小六學生?唔係化？！

雜·感

• 尋晚，成為了Carmen 既(神秘 !!!)公開日記第一位讀者。雖然成功入到去，但都要講句 "你個user ID真係估死我 =.=" 。不過我真係好榮幸可以成為第一位。
• 唔知點解無左果種向前衝既動力。對住學校既功課，我已經無左果種好想好想做到最好既感覺。我諗當中有 40% 係因為懶，60% 係因為我覺得人終歸都要死，一份A既論文唔會對我既生命有咩大影响。﹝我知...我知呢個唔係 A 唔A 既問題, 係態度問題呀嘛...i know i know﹞
• 生活漸回復正常，然而我唔覺我好似以前咁快樂。我唔肯定我真係唔快樂，因為我仍然會笑。但我亦唔可以肯定我快樂，因為唔知點解獨處時，會突然自己流眼淚；唔係喊，只係流眼淚。
• 我發覺，所有陷落於愛情既人都會突然變得好卑微。一號小姐哭跪男友門前，哭求復合，比個死佬打都唔願走；二號小姐為要求復合，情願日日打電話去比人鬧；三號小姐情願做人情婦都唔肯離開果個衰男人，無名無份地為佢浪費青春；四號先生明知女友有另外"數名"男友，都仲要對住果個女人低聲下氣，驚佢離開自己；五號先生平時對人不可一世、鼻孔向天，女友一話分手就不顧面子喊住求佢返黎... ...仲有N個例子不能盡錄。情為何物?
• 又凍!!! 呢個冬天冬到幾時呀?!!

都是執着

睇完一個"老"朋友既日記。
我認識佢既時候，大家都仍然對未來充滿好多童話式憧憬；我地一齊傾幾時嫁、講男友是非、行街買衫、許願占卜。可能因為我地都唔太需要為生活煩惱，我地當時只係希望男友生性努力上進，可以賺到$養妻活兒，咁我地就可以享受少奶奶生活，幸福到永遠。
但而家大家都已經唔再同當時既男友一齊，並且亦已再同另一個人相戀，然後分開。
相對於以前，想法真係唔同左好多。一樣既，大概就只有一份執着。以前執着於要一個將自己捧在掌心呵護既男友，結果兩、三日唔見面就比自己既胡思亂想折磨死；情緒化既結果，當然係分手既主因。其後，開始知道麵包既重要，我揾到一個可以供給我愛情與麵包既男人，結果係佢既條件亦吸引到其他女仔；我朋友亦揾到一個條件不俗既他，可惜人大左，要求都唔同，於是自願離開去尋找自己既世界。
記得上次分手，我曾揚言無左"佢"，我會崩潰。我執着於過去既美好回憶，一份金玉其外既感情。我朋友一直忍耐"佢"心底有一個不肯放低既她。佢執着地相信住既，係一個精誠所至既奇蹟。

執着，有時係因當局者迷。
不過執着還執着，總要叫自已儘量清醒。
愛情重要, 但生命無價；
因愛生恨，但恨並唔會使人快樂；
覺得痛苦，但痛苦可能源於不必要既堅持。

海嘯一剎那就奪去咁多人命，難道仍然未夠去提醒人要愛惜生命、愛惜眼前人?
當你痛苦到想輕生，有更多既人已無選擇地離開世界；當你立下誓言與某某不再相見，有更多人喺一瞬間已陰陽相隔。
當你發現痛苦源於執着，你會慢慢學識放開，然後發覺唯一應該執着既，係快樂同幸福。

我份功課... ...

Help...
點解人做 report 我做 report, 我會做得咁多轉折架... ... 人地有阿蛇 plan 好哂要睇咩寫咩做咩, 我個阿蛇就好似乜都唔知唔理唔想講咁。好, 唯有靠自已! 我唔要比佢睇死! (O_O)!!

今日係董特首辭職既日子。唉呀...其實我唔係咁想。我覺得, 聰明既壞人比愚蠢既好人，恐怖得多... ...

Try try this A-Levels exam ar~! Ask me ar if u want to know the ans. ^-^ heehee~~~~ 

Shopping Shopping Shopping~!

星期日同星期一，我都去左 Shopping, 因為我真係唔想再屈住自己。
女人即係女人，Shopping 真係能醫百病，買完野即係識笑返。其實都要多謝媽咪帶我去食好味蛋糕，同表妹陪我打羽毛球；唔係你地，我好可能仲係成日呆呆下無表情。
尋晚喺屋企焗藍莓蛋糕，ok 啦.. ....不過個樣唔太靚。下次再努力~!

平安

兩日無寫Diary，原因係我既心無再煩燥不安，於是無左果種要揾地方渲洩既衝動。
咁至於點解會唔再煩燥不安，我諗應該係因為星期日；崇拜提醒返我唔好忘記，我仲有一個愛我既神。 Thx My Lord..
講起真係有啲唔好意思, 我總係有事先識成日煩住穌哥。仲記得由細個時開始，我都會考試前求下蘇哥，唱下同一首詩歌，一首大肚腩校長教我既歌；有一次媽咪病得好辛苦，我無哂辦法，就成晚叫住穌哥；上次失戀，好傷心好痛，頭一日我只係識不斷咁講一句說話:耶穌，唔好咁，唔好。甚至上星期趕去我好契姐屋企既時候，我先識求穌哥幫我。其餘既日子，我都只係依住自己，想自己一個去處理所有既事。但係事，都總算係較可以自己處理；心靈上既不安無助傷痛，我根本無能為力。
今個星期日，返到教會，穌哥卻提醒左我：神未曾應許你一生無風無浪，但神應許你，無論發生任何事，神都會賜你屬天既平安。
有咩事緊要得過得到平安?

執返個人樣

今日為左影相，終於執返個人樣.. ....
今朝同媽咪Daddy姨姨表妹飲茶， Daddy 見到一則斬外父既新聞，Wakakkak 嚇到佢成朝喺度嗌生女真係無陰公。放心啦，反正我都未必嫁得出, 哈哈哈~
下晝去左聽Talk，啲講者真係講得幾好，不過我最留意到既當然係在埸既年青才俊啦。香XXX既地區HR Director, 無諗過竟然係Poly HRM 出身由低做起，最諗唔到既當然係佢個樣仲好似 28、9 歲既後生仔一樣啦！正。
今日兩個Amy 既預科同學見到佢既Online Diary 後 contact 我問我發生咩事.. ...唔知萬一我出事又會唔會有咁多人為我難過呢...
唔~!意識到 online Diary 既重要~!

心頭點滴

人，有時唔到你唔化。
有時用一年兩年都未必可以看清一個人；有時，一、兩日就已被人既真面目嚇一跳。之前幾日，一來為Amy傷心，ニ來亦為人既陰暗面而失望。如人飲水，冷暖自知，既然如此我亦唔想再講誰是誰非。只係，都想講返一啲呢幾日令我感動既事。

1. 28/2.. 事情發生之後，Ivan 既表現令我幾感動。佢既驚慌失措令我都感受到，原來佢都幾有人情味。
2. Steve 既深情，同理事後果篇喺網上公開既自白，都令我非常感動。我好高興Amy有佢呢個好朋友。
3. 美容院既美容師、顧問、接待人員當知道壞消息後，都有打電話黎安慰我，而且仲私下問有關白事既詳情，希望到時都可到靈堂送Amy 最後一程。
4. 事情過左四日，今日打電話去同Amy父母交待一啲事，竟然聽到佢爸爸親切地問候我... 我覺得好突然，亦同時好開心.. 多謝.. ..

其實仲要多謝呢幾日關心我既朋友同家人。正正因為有唔好既人, 先會令人珍惜好既人。我好慶幸我識到咁多好人。 Thx My Lord.

太遲

今日聽到消息, 原來Amy走前將果個男人 send 比佢既 email, 全部 send 哂比師傅。
師傅睇完喊哂, 仲剷到果個男人飛起。

But, so what?

無既，大家都知我蠢架啦，我就真係唔明，點解收到三、四日先咁高調地表現哀傷激動。

之前叫左個朋友通知我一個前男友關於Amy 既消息，佢既答覆係: 我隻貓死左，心情唔好，唔去啦。

哈，仲以為男人都係大話既專家，睇來似係女人自己呃自己多啲。

無奈

好想好想如常過生活。
想玩電腦上網傾計ICQ唔願訓，然後累極而睡唔願起身仲發著甜美大夢，醒時如遇難題咁決定著咩衫配咩香水，然後發現快將遲到但又想買早餐，返到去上堂一邊扮專心一邊魂遊太虛想住Lunch 想住 Tea 想住 Shopping，落堂約朋友食野傾計睇八卦雜誌，返到屋企眼訓上床午睡片刻然後急不及待開電腦收風吹水Check E-mail做功課，七點半左右媽咪催食飯我就只顧望電視，夜晚沖個靚涼揀Mask 做下瑜珈傾個電話上網打機ICQ... ...就咁簡單膚淺開心一 day 又一 day。
可惜，越迫自己如常生活，越發覺已經無左之前既感覺。今日又扮平常咁去上堂, 不過身體太攰太累，配合唔到我既意願，被迫被送返去。休息一陣又再出去，人見人問做咩咁殘。
朋友們，我已經好叻女咁如常過日子，支持我，唔好再問我怪我擔心我為何有別於以前。有時，人，好難走回頭路。
覆水，真係會難收。

人在做，天在看

原來各位朋友都好擔心我，可能我比人既感覺太柔弱。心情，其實已由不停追問點解既不接受，轉到平靜咁面對。我相信，Amy, 會樂於見到我勇敢冷靜。
尋晚，收到師傅電話。Amy 指定想我同另一位契妹送佢。Amy, 多謝你於最後依然無忘記我。
講起尋晚，其實我聽過電話之後，我心情好激動好憤怒。原來嬲，真係會令一個人不停打震。
叫得一聲師傅，我會比返應有既尊重，我不致於無修養到公開對人說三道四；亦不管佢配得與否，我都要尊師重道。

但我相信，大家對Amy 有幾真心，大家為Amy做過幾多，每人都有眼看有耳聽！

大家唔知既事，即使瞞得過世間人，都尚有Amy知、天知、仲有自己既良心知！

唔好以為，我會因為知道一啲事而去當眾責備果個人。一來我無資格；ニ來，我唔會做任何事去令果個人感覺上贖罪咁，我要佢一世受良心責備，承受返果種痛。

放心，既然Amy 用佢既生命埋藏一個秘密，我唔會同人亂講說話。

但，人在做，天在看, 我深信..

我的廿一歲

二十一歲，應該係一個女仔最黄金既快樂時代；我既二十一歲，就令我經歷到生離同死別。
幾個月前，我同男友分手；幾個月後既今日，我既好姊妹又已經離開左我。生離，仲有死別，原來都係可以無法預料，都係咁強蠻，都係無需原因，都係無法改變。
呢個星期，我先後接到三個死訊-- Holly , 姑婆 同 Amy。三條生命，同我都曾經相交既三條生命，就係咁永遠離開呢個世界。
經過咁多事，反而令我更冷靜。以前小小事都會驚慌失措；今日，我已經可以自已處理自己既情緒，冷靜到一滴眼淚都唔會有，仲可以安慰身邊既人。或者永遠無憂無慮無風無浪，對自己，亦唔係好事。
成長，都係須付代價。

悼

2 月 28 日。
今日, 我一位好姊妹、好朋友離世。
生命可以好頑強，同時，亦可以比任何事物脆弱。呢位好朋友，就只因一個唔專一而懦弱怕事既男人，決定放棄自己。臨走前，佢根本無同任何人提起佢既感情問題，獨自一個承受一切，甚至自己為自己安排好一切身後事。佢為自己準備身後事時既心情，會有幾沉重幾無奈幾孤獨..
我同另一位呢位姊妹既好朋友，去到出事既現場，由警察ロ中親耳聽到佢既死訊。趕去既途中，依然覺得事情未到最壞，覺得至少知道佢既位置，覺得仲有好大機會無事；上到去，聽到之後，根本無辨法相信呢個事實。
眼見佢一對己經年老既父母，為佢地既獨生愛女傷心難過，我真係無地自容。佢媽媽一見到我同另一位朋友，即刻抓住我地問點解，問我地知唔知道內情，我地啞口無言。無錯，作為佢契妹既我，根本完全唔知內情。對於我既疏忽，其實我好內疚。
見住其他人都正惆悵哀傷，見住佢媽媽咁激動，又見住同我一齊趕去既好朋友一直流眼淚..而28/2..正係佢正日生日添。試問，我仲點可以再成為一個要佢地照顧既人? 我一直都表現得好冷靜，好冷靜咁同其他朋友交待，好冷靜咁面對其他人；但其實我真係好難接受呢個事實。我覺得，如果我無錯過星期日果個電話，平時又多關心佢一啲，甚至早一啲趕到現場，成件事，可能唔會演變成而家呢個結局。
到呢個時刻，我除左可以送佢一個佢最愛既紫色花花牌，同到靈堂見佢最後一面，我己經無野可以為佢做。但願，佢屋企人可以儘快平伏。

p.S. Eugene, 好多謝你百忙中依然陪住我，比我有個依靠，好多謝你。

我很舒服
曲：梁智添　詞：林夕
我　很舒服　難受　無謂繼續
柔情敵不過青春的殘酷　唯有瞑目
從你被單上　凝望　蝴蝶繡像
彌留前一眼都不枉留下　完美印象
可惜　回憶那可救藥
已經　連知覺也都軟弱
今天起將永不飢餓
還能遺忘要任何人伴我
你　若愛我　別每天到處躺臥
還提示別人梳化不能亂坐　我躺過
氣　接不上　無力　臨別叫嚷
連回眸的瞳孔都不明亮　誰愛這樣
可惜　回憶那可救藥
已經　連知覺也都軟弱
今天起將永不飢餓還能遺忘要任何人伴我
你　若愛我　別每天到處躺臥
還提示別人梳化不能亂坐
就　這樣吧　別在這裡再躺臥
明年如果這梳化忽然下陷　想我