無錯，呢個係一個好美既夢... ...

身邊似乎越來越多人想/將/已結婚。姊妹們講起，一直都以為我會最早嫁，當時仲好開心咁傾邊個做伴娘... ...連我自已都曾經相信，我會當家庭係我既事業，我會全心全意去做一個賢內助。
但，當Daddy同我講，叫我不如去佢做果間公司求其做住先然後識返個男仔一兩年後嫁左佢，我真係好唔想。我唔咁心自已努カ左咁耐，最後求其嫁左去做屋邨師奶。
若果，你認為我事業心重，咁你，就繼續咁認為吧.. 原因係咩，會明既自然會明。

呢幾日，無故想起好多.. ...對住舊相舊物，喊過一次又一次。
有人話，因愛會成恨；我就覺得，愛最偉大同最可怕既地方係：你想恨、你知你應該恨，但你就係無辨法去恨。
愛唔到，亦恨唔到，可以做既就只有努力掩息自已喺佢面前既卑微，努カ令自己更有條件。我唔想若果將來佢遇見我，我會連小小自尊心都守唔住。我唔想嫁一個不及佢既人，因為咁會令我覺得自己本來就配佢唔起。

Never said Never...
我唔會話我再愛唔到其他人，只係要我好似愛佢咁去愛多一次，恐怕好難好難。
到而家，我夢入面既王子，依然係同一個人... ...

夢，我知呢個只係夢,
但我依然珍惜發一個美夢既權利。