為快樂負責

仲記得有一晚，我要王子講故事我聽，佢諗左一諗就講：「從前有一個傻瓜公主，佢遇到一個王子，從此佢地就永遠幸福。」你話... 如果世事全部都可以咁簡單直接，會幾幸福幾快樂呢... ...
可惜，呢種直接簡單既福份，大概我係無份架啦。自己既快樂，都係要由自己負責。公主嫁唔到王子，叫架南瓜車載我去商場，亦係另一種直接簡單既幸福。
呢幾日去左訂新衫，Mami話遲吓同我去整頭。交完Final report，去學 Nail Art 同美容化妝。遲下會去學跳 Jazz 打 Tennis，加埋練下游水。相信下年返黎既時候，大家會見到一個唔同既我。我明白，愛自己先會令自己快樂，愛自己先可以期待王子會愛我。

尋日表妹同我講，佢男朋友背住佢做左好多衰野，下流到暈。幾日前表妹先話收到佢送既鑽石介指，你話男人幾難估呀。