讀書為何?

媽媽一向好鍚我，我係知嘅。一向家教甚嚴，然而其實，媽媽一直寵我縱我。
會考時自己知自己事，我係無出盡力。留唔返原校，比著其他人可能要repeat，媽咪就諗都唔諗捉我去報私校。預科，又唔可以算考得好差，不過上唔到大學，去左讀 AD。媽咪知我一向唔鐘意爭，所以讀 AD 時都無叫我報大學，畢業就比我再讀 Top-up。而家，Top-up快畢業，媽咪知我其實唔多鐘意做 paper work，又再比我去外國讀美容。
其實，我知爸爸對此頗有怨言。有一晚我聽到兩老嗌交，(阿爸係好少直接鬧我既...)
"讀左咁多書先話做美容?..."
"點解唔做 office 工?!! 美容, 人地F.5 都做到啦!..."
"讀讀讀..呢幾年佢讀左幾多錢你知唔知??..."
.
.
.
因為我，其實媽媽受左唔少氣。當然呢件事上我仲要多謝姨丈。佢答應負責我同媽咪喺加拿大既生活，搞到阿爸無聲出...

但其實，我真係唔明點解讀完大學做美容 = 浪費。對住其他人就大大聲"職業無分貴賤"，到我身上佢就將貴 and 賤既分別無限放大。讀書，竟然講講下講到變成一種浪費。
讀書，唔應該只係為工作。如果唔係，大學同狗隻訓練中心有咩分別? 讀書係應該為明理，為學識分析事物，為學識思考。讀書點都唔應該被講成浪費。
再者，點解講到Office 工一定高尚啲? 阿爸F.5 話可以做美容，咁F.5 一樣可以去做文員。
美容都係一門專業。