《祝福》 -- 女人嘅無奈 (一)

預科時考文化，要做五本閱讀理解，其中有一本係魯迅既"彷徨"。唔如點解，我就係對呢本書印象好深。
正確啲黎講，我係對書入面其中一篇野印象好深。而呢個幾月，腦入面就經常諗起果一篇文章。其實我只記得文章(..um.. 或者叫佢做故事啦)大綱，，所以一直都無揾返個故事出黎。
唔係唔想揾，而係唔止細節位，連作者、主角、收錄喺邊、幾時睇，我都真係記唔起。我，只係依稀記得主角叫"XX嫂"。

今日上library還書，就順便去中國文學果邊睇睇。本來無諗住揾返個故事，但一行過魯迅果一行，即係覺得〝係啦！應該係啦！〞。我即係拎起本魯迅散文集黎揾，最後當然揾到啦。女人直覺呢樣真係無得講，一個字 -- 掂!

故事名係《祝福》。《祝福》，主要描寫主角 祥林嫂 既一生。
祥林嫂 -- 一個深受夫權、父權、族權、神權壓迫的勞動婦女典型。守寡後原想堅守「從一而終」既封建道德，卻被婆婆強行賣到山裡。後來，孩子同第二個丈夫(細既比狼食左，大既因傷寒病病死)亦死左，只好再回故鄉魯鎮打工。
但此時，大家對佢已經另眼相看──東家魯四老爺認為她不乾淨(嫁兩件, 仲要連仔死三件)，鎮上既人都嘲笑她，甚至有人話再嫁既人死後要被劈成兩半，分比兩個丈夫。最後，精神痛苦、生計無著既祥林嫂只有沿街乞討。除夕之夜家家行祝福禮典既時刻，更倒斃雪地上。

點解我會咁記得? 因為身為中國女人，我明白呢個故事慘得黎太"寫實"( 篇文係1924年至1925年所作)。文化傳统，唔係一朝一日就可以發展出黎，亦好難於幾十年間就有極大轉變。今時今日，依然唔難喺大家身上揾到《祝福》中人物角色既影子。

待續....

↓ 《祝福》全文
魯迅 - 祝福