一團糟

他，總係不費吹灰之力就可以搞到我既心情一團糟。
以前，佢只要用一個眼神，就可以令我即刻投降，"都聽你既..都聽你既..."。而家，明顯地佢既功力有增無減。一句未必與我有關既說話，就令我整日胡思亂想，心情七上八落。
真衰。

上左兩堂 Nail Art, 情況如何? 一團糟。
終於明白點解水晶甲要千幾銀做一次，都係功夫錢。

本打算去報一個完整既美容師課程，咁大概只需八個月就考到國際牌。而家講講下，個個都怕我捱唔住加國既冬季，叫我報散 course 讀，咁我就可以隨時加港兩邊走，可以回港避寒。咁樣讀，唔知要讀幾耐啦真係。
總覺得佢地係怕我讀得幸苦就真。未過去讀，佢地就同我安排好哂，怕我唔慣。
"去姨姨舖面幫下手啦，無咩做嘅，去睇下啲姐姐做學下野都好嘛。"
"係囉，表妹就喺樓下指甲舖，好近。"
"Ivy 姨話可以幫你整植眼睫毛呀，又返左柔光機，可以得閒去做下。"
"姨丈幫你倆表姊妹揾左跳舞老師。香港人黎，你哋唔使怕唔慣。"
.
.
.
.
我真係認真想讀書，唔係去度假嘛。
都唔知佢地咁樣，對我自己係咪好事。


By Elena Stoiciu