三年計劃: Step 1 -> 我要做 Aestheticienne ~!!

第一堂，學洗面！
唔學唔知，自己做同幫人做係完全兩回事，為自己做同為工作做亦係兩回事。用兩粒鐘，勉強記得哂，但依然唔專業。真係無諗過，洗面都會咁難。
不過學長今話齋:
「無人可以叫我放棄！」
今week功課: 練手指靈活度, 力度及柔軟度。
星期二，會上 Nail Art，都要努力。

- - - - - - - - - - - - - - - - - - - - - - - -

睇完今日既新聞，好感慨。

受訪果批，
同樣係中國人，同樣係受過高等教育既一群，同樣廿歲開頭血氣方剛，
同樣遊行，
點解香港果批可以做到理智分析，其他地方既就唔得?

香港遊行人士計對既係日本右派, 唔係一般日本人或日資企業；
內地呢, 連內地人揸架日本車經過都比人擲雞蛋。

我明白，我了解，但我唔會認同一切非理性既行動。人地做錯，唔代表我地可以任意做出不理智既行為。要仇恨，亦要搞清對象。中國人，難道忘記左要以德服人?
睇下而家! 本來係佢地理虧，但搞完一大輪破壞，我地仲可以絕對理直氣壯咩???

請記起連小學生都知既野 --> 打交，雙方都要罰。
因為，傷害人就唔啱。
如果自己都唔知錯，唔認錯，我地仲邊有資格要求人地咁做?

- - - - - - - - - - - - - - - - - - - - - - - - -

今日，努力嘗試整好啲呢個Blog page。
希望你地會覺得好左!