香港小姐 Vs 香港先生

今年嘅香港小姐質素還好，比賽亦搞得唔錯。
我有個感覺，香港小姐競選係一樣女人嘅事，男人嘅參與基本上係可有可無。一向有種說法話選美係大男人社會嘅產物，但呢一年我反而覺得選美變咗係女人自己喜愛嘅玩意。

點解咁講?試吓同港男比就知。由入場人士嘅性別，評判嘅質素，評審嘅標準，比賽嘅內容，比賽嘅代表性等，都話俾人知港姐係城中盛事，港男就似香港女士搞嘅超大型crazy party。

港姐選舉無咗男人都無所謂，咁就可以證明呢個活動唔係要討好男人；港男選舉就無女人唔得，除咗參賽者，男人一啲参與權都冇。
港姐問答係講時事；港男問答就講愛情觀。
港姐評判係社會名人，港男評判就係女性都得。
港姐唔只選樣選身材，然而港男評判一句"我以為我唔係咁表面，但原來我係。"就話你知，港男係咩一回事。

我唔知港男喺台上穿三角泳褲，討好台下一大堆家庭主婦學生OL嘅感覺係點，但我就覺佢哋似做緊某個特種行業。
果一刻我只慶幸，女人當上港姐依然係榮耀，唔係羞辱。

世界，真係會變。