我是不是太"求其"?

掛名算係一個大學畢業生，而其實回想起，我算真係讀過麼?

一直就係懶，過關就好，迷迷糊糊過咗三年大專，合格pass就滿足，還以為"咁樣輕輕鬆鬆，幾開心"。
我不曾似其他同學一樣，覺得GPA一旦不過3就係一件好嚴重嘅事；覺得B Grade係唔見得人嘅成績；覺得睇參考書係平常事；覺得與教授打成一片係成功嘅一部分。

好，到而家，種下的因結咗果，向鏡一望，由上而下左至右前至後研究完嘅結論係 -- "種瓜得瓜"，這舊長出的果確實是一件呆瓜，一舊迷糊物體，學歷有内涵未有嘅人形物體。

人家讀商讀到做實習都講緊千萬美金project，我仍在想千元港幣應該點花，my god...
唔係羨慕，因為連去羨慕都不敢，想一下要喺大公司set strategy 、run program，都怕心臟支持唔到休克。能力如何責任如何，一向公平。
只係，對比未免太大了吧，怎能不自慚形愧?!

噚日自己先講起而家讀書讀得幾爽，無眼睇。