重回那段着校服的日子

或者我本人性格懶散，我係鍾意返學有得着校服的。

F.7畢業之後，三年大專生活喺打扮上基本上可以自由發揮。
一開始時好唔習慣日日揀衫嘅生活，因為以往買衫唔會考慮太多配搭嘅問題，完全無"衣櫃管理"，而且多數衫都係偏花巧嘅，唔適合返學，每日左試右試成個鐘先出門。
慢慢地，衫褲配搭嘅基本概念係有嘞，但係日日要出街見人，就會總係覺得衫唔夠多，着來着去都係果幾件，於是成日要買衫。
衫多咗，着得好咗，跟着就覺得其他部份都要配合返。於是，又買鞋買袋，又用香水又練化妝又整頭髮。

事情永遠都係咁，開頭只係為解決問題，後來會越搞越複雜都因為心多，與問題已經無關，又好難返轉頭。直至而家又要每日着校服，先又再次記起校服嘅好。簡簡單單整整齊齊就好，學生本應就要樸樸素素的。

我慶幸，我又重回着校服的日子。