矯型記(一)

帶咗矯型背心兩日，其實幾辛苦。我好唔習慣呢種"挺起胸膛做人"嘅日子。
講真我唔太明白件背心係咩原理，一着上身就自動令人時時刻刻坐/企直；覺得攰又想縮起個身時，你會發覺件背心會令你縮起時仲攰，救命。

貪靚係有代價嘅。

至於女仕最關心嘅 -- 胸，我想講：神仙法術咩，邊有咁快改到。
不過，帶住呢個Bra嘅即時效果絕對比其他 push-up bra 好。
有幾好? 好到令我個朋友 "嘩" 一聲。
你話我虛榮又好、膚淺又好，我係真係為靚咗嘅身材興奮得不得了，哈。