為甚麼而寫

前排好多 Blogger 講到何謂 "Blog"。我唔打算再講呢個話題，但呢個話題令我諗起究竟我為甚麼而寫。

我寫野，原因有ニ。

一，我寫野係為同朋友溝通。其實我知我某啲朋友會不定期甚至定期嚟呢度，為嘅係想知吓我嘅近況。大家未必有時間見面，但係透過呢度，大家至少可以知道我近來做緊啲咩。起碼，我仲有手有力去寫就證明我尚算安好。

二，我寫，其實係為記下我腦入面各種古靈精怪嘅想法同對各種事物嘅感受。呢度唔只係日記，呢度係我嘅思想倉庫。再者，呢度係一個好好嘅動力令自己思考，而且係深入地思考。將想法用文字表達係一個好好嘅訓練，令自己更有條理地思考，亦更懂得分析事物。

- - - - - - - - - - - - - -

打後嘅十日我都會比較忙，可能無時間寫野，各位唔使擔心我。
哈，呢期有好多得意野想講，我將佢地 save 咗做草稿，等我去到加國先再寫。
同埋，而家我仲身處香港，好難清楚香港、香港人有咩特別，我好期待喺加國嘅日子會講到俾我知。