又到考試

自兩歲起入學嘅我，將要面對我嘅學海生涯中第ニ十個年終試。
但我知，畢業以後要面對嘅“考試”比學校嘅考試難十倍。
其實，我好怕。

自信，問題係關於自信。
年多前睇過一份報告，關於女性自信嘅報告。當中講到若果一個女性可以每日得到愛人嘅擁抱，佢就會更有自信。女人一開始戀愛，也就會更懂去愛人。因為被愛係一種肯定，所以自己亦會更肯定自己。又因為被愛，人亦變得比較溫柔平和；心境唔同，連世界亦變得比以前可愛，因此遇到壞事時亦易接受得多。
當時，我亦曾經經歷過。我亦曾深深相信我值得為自己驕傲，深深相信我係一個幸運兒。連舉止談吐都唔一樣，眼神都更明亮。

或者考試前，我需要儘快談一埸戀愛。