婷婷

我嘅朋友比姐話：「世上沒有一個人注定要待你好，所以你要學會感恩，去感謝待你好的每一個人。知道嘛？你學不會感恩，你注定過得不幸福。」

妳明嘛，世上並無理所當然；父母唔一定疼愛子女、朋友唔一定對你真誠、愛人唔一定同你甘苦與共。所以我哋要為能擁有而心存感激，而呢樣亦係天父對我哋嘅教誨。我哋會為有飯開獻上謝飯禱，但卻經常忘記感謝別人嘅好。

妳有想過嘛，如果姨姨唔鍾意妳，

1. 佢點解要答應俾妳留喺佢屋企?
2. 錢有邊個完全唔緊，但點解我哋除咗返教會果日要坐巴士，其他日子姨姨都call 的士俾我哋出入？
3. 點解佢要吩咐佢個仔遷就我哋、照顧我哋?

無錯，姨姨鍾意靜，鍾意乾淨；但我哋做好自己、幫手做家務係基於感激同尊重與我哋一齊生活嘅人，唔應該因此覺得寄人篱下。要知道，我哋將來亦要與丈夫同住，我哋都要學識點樣與其他人一齊生活。

好，既然姨姨唔係一個問題，就淨低你自己嘅問題。

第一樣係前途。當然，妳唔喺加拿大讀美容都會有其他出路，但係妳要明白如此選擇就代表前路會比較難行。一來妳學歷唔夠高，二來妳英文唔夠好，妳要比其他人難揾到好工。

第二樣係感情。我明白要與男友天各一方會好難受，但其實如果連半年都捱唔過，呢段情又可以有幾深厚？

但最後，最重要係妳嘅意願。講到底，呢個係妳嘅人生，妳有權為妳嘅人生下決定。作為妳嘅親人與好友，我只可以分析你聽，幫妳作一個令將來快樂嘅決定，然後支持妳。