忽然

喺網上四圍遊時忽然睇見一張好熟面口嘅街景照。細看之下，原來相中嘅地方係東區走廊，果一刻即時眼眶一熱。

曾經有幾多個黃昏，我坐喺佢嘅窗邊望住同一處風景，興奮地期待住佢嘅歸來。當望見佢嘅車，又會即刻走返上床扮瞓，免得佢為要我等佢而內疚，又怕我悶壞。
呢一段時間，係我回憶中最幸福快樂嘅時間。

只可惜我而家只能對相輕嘆，我連重遊舊地嘅勇氣都冇。一想起果一條公路、果一片海，我就想起喺佢嘅窗邊，大概正有另一個女孩和我當時一樣，正期待一個擁抱。我知或者係我想得太多，但一想起呢個可能性，我已經唔敢再返去果一個地方。

呢個係情感舊患。
呢次，係舊患風濕忽然發作。