奇人集(1)

我返工嘅地方位於唐人商場，行嘅人 & 返工嘅人都係華人居多。大家同聲同氣，自然會傾多幾句。

其中一個女人，係美容院嘅熟客。佢雖然已為人妻，但係感情生活混亂得不得了。佢可以同地產經紀出去睇樓結果睇到上埋牀，同"朋友"喺阿仔間房偷情。最搞笑係佢話李嘉城個秘書個仔追佢，成日送禮物俾佢。送咩禮? 絕版毛主席襟章、"玉"吊咀... ...

另一個女人，係店舖老闆。佢間舖一日做唔到$20，但係佢似乎無意識去想辦法改善生意，只係一味死守同怨天怨地。

又，另一個女人(女仔?)，完成咗文憑課程，而家做緊售貨員。不過，佢去一次 shopping 用嘅 $$ 都多過佢份人工。問到佢有咩打算，佢懶洋洋咁話: "唔知呀.."然後捉住我講點樣扮靚。