受不了

每個人都總有某些事係無辨法忍耐。即使脾氣再好EQ再高嘅人，只要有人踩進佢嘅爆炸區就會引起大爆炸。

我平時都算屬"無殺傷力"果一類，對各種傷害容忍性偏高，對"被騙"嘅容忍程度甚至多到唔合理。有時，我真係覺得我係應該為某啲事嬲。我覺得到嬲係一個好effective 嘅方法去表現不滿，平常語氣say no 嘅阻嚇性甚低，甚至會被誤解為"無所謂"。只係"憤怒"嘅感覺係無就無架啦，扮憤怒呢下我真係做唔出。

不過，千祈唔好屈我。我對被冤枉嘅容忍度可以話係零。我最憎最憎食死貓。如有興趣見我激動到喊，你大何試下屈我。我可以心甘情願去幫其他人做野，但以屈我話係我唔啱嘅手段去叫我做野，sorry, 你大錯特錯。即使只係好少事，我仍會好反感。

唔憤怒有時係非我所願，但怒氣攻心時我亦控制唔到。我只能一早提醒別人"唔好試我，面斥不雅"。多謝各位合作。