愛上悠閒

以前總覺得做セ都要快。快快快快快快快.. ..come on, 做事要有效率，收料收風又要快。而家仲要進修快，唔快啲學多啲野拎多幾張證書都會怕無工做。

不過加拿大呢邊好唔同，呢邊嘅生活輕鬆得多。
"You take life too serious, man."呢個係Miss 俾我嘅評語。
雖然我唔覺得我係 too serious (喺香港時我呢啲已經係屬於散慢果堆架啦Miss..)，不過喺加拿大生活呢段時間試下悠閒又有何不可呢。唔試過，都唔知以極慢步伐行於陽光下野花旁，會可以係一種享受。唔使天天節目精彩，一星期一兩晚约朋友去小餐廳食個飯都可以好滿足，少了是非八卦虛偽猜疑，學識左享受私人空間。

不過我知我始終都係香港人，當我返到香港我依然會衝衝衝衝衝..不能停下。一如我愛放假，但假後我一樣想有工開。
講到有工開，喺呢度祝各位揾工中嘅朋友早日揾到份正工，加油加油!