對於"開心嗎?" 呢個例牌問題，我諗我會答："其實，都幾好玩呀。"
其實應該真係會幾好開心，如果可以投入去玩，。
行程中令我印象最深刻嘅係水族館。我好鍾意海，連帶海中(呀...嚴格嚟講應該係"水中")嘅生物都一併喜愛。
其實水族館中有好多魚都好靚好特別，之不過真真正正令我不能忘記嘅，係一大群發住藍光嘅魚。當我望見佢哋嘅時候，我覺得我望住嘅係一個睇得見夜空嘅窗，而唔係一個大魚缸。
望住果一群魚，我嘅感覺竟然係幸福。
想起旺角金魚街果段快樂時光。原來幸福嘅生理反應係一股想哭嘅衝動。
"嘩！好靚呀，啲魚仔發光架！"
"傻瓜，呢啲係月光魚呀。遲啲買返去養好唔好?"
.
.
.
沒有留言:
發佈留言