我回來了

現在是2011年的十一月了。

我，已經二十八歲。

無寫Blog無寫日記都已經幾年。而原因呢，一來是因為有Facebook；二來，係因為唔想寫，唔想俾人知道我於之前嘅幾年生活得似個宅女，除左返工放工就係等生活於地球另一面嘅男友電話。

重新由頭讀一次自己嘅Blog，我好開心咁發現，我依然好欣賞之前嘅自己（雖然咁講好似好自戀XD）。可以認同自己之前嘅決定同想法，係一件值得高興嘅事，證明自己無為自己製造遺憾。我可以好自豪咁講，我係，至少，我曾經係，一個勇敢樂觀善良嘅女仔。果一股為愛情、為維護自己珍惜嘅嘢嘅傻勁，令我自己都佩服自己。

睇返之前嘅文字，我好開心自己曾經仔細咁紀錄左自己嘅心路歷程。所以，為左未來嘅自己，我想再嘗試寫Blog。哈哈，希望今次可以有恆心堅持得耐小小：）