你想點呀，朋友

最近最值得說的，應該係 Facebook。

Facebook 真是個好地方，新朋舊友都聚頭了。連人間蒸發了似的舊男友 T 先生，也找到我兼add 埋我。
Well... 都幾年無聯絡，又已經無共同朋友，我以為同呢個人除咗同住一個星球外，已再無也再無必要有關聯。不過不管那時候的分開他處理得多差，既然相識一場，我亦不介意和他做回一個見面會點頭打招呼的普通朋友。

一個舊朋友自動聯絡上，我仍是樂意接受的。從他的簡介中得知他已經結緍了，我心中也只有對舊朋友的祝福。然而，他在他的Friends List 上加入了我的名字，在 Top Friends List中加了我的樣子，就等於他有把我當朋友嗎?

算我小人之心好了。
當年和我的關係搞到咁差兼又幾年不見，幾年後結婚了心血來潮突然主動 add 返我，但又乜都無講。
大家都廿到中啦，成年人啦，做事總會有理由吧。如果唔係想做返朋友，又何必找我；想做返朋友，又豈會咁樣add 咗人之後連一聲 hi 都唔講。
情況有如有一個於幾年前反面了的人邀請我去他的朋友聚會，沒有表明點解想我去，也不主動和我 say hi。最搞笑係，依個人仲要係舊男友，出場時仲拖埋老婆。
老實說，由始至終我感覺不到半點善意。


朋友，你究竟想點?