工作記趣

現在這份工作，和之前簡直兩個極端。十分悠閒，但壓力也十分大。

今天，距上次開單已有五天，終於給我找到新客開單大吉。自問不是口才勁得的人，所以開單全靠穌哥睇住。老實說，每次開單也是客人自己找上門，我相信這都是恩典。

同事中有位越南人，今天送來一包家鄉食品，就是上圖的牛肉乾。嘩！超好食，很香口兼是脆身的，和在香港街外買到的完全不同！下次有機會去越南，必買！

還有，上次我和另外兩位同事在店面發呆時鬧了個笑話。

話說，有一個穿着 D&G品牌衣服的人經過。

同事S問:『話時話，成日見到D & G，究竟全寫係咩?』

我：『D係Dolce，G係Gabbana 。 Dolce & Gabbana 呀嘛。』

同事V其實是在離魂狀態的，但聽見【Dolce&Gabbana】之後突然出聲，道：『吓！！多士夾 Banana！！好味喎！係咪買呀？兩份呀唔該！』

我和同事S有數秒呆了不懂反應，回神之後一個互望然後笑到痴線。

其時，同事V還在一旁狂問『咩事呀？笑咩呀？真係好食架喎！』............

希望笑事好事有趣事繼續常來。 (^-^)~!