第三者

我一向都好唔贊同人去做第三者。
做第三者同做恐怖分子一樣，都係自殺式地破壞。人地段感情本身病病地，無端端被炸死咗就當然惨；但係第三者係咪會開心先?! 咪一樣損手爛腳。咁又何苦呢？損人而不利己。
所以我一直認為，女人應該團結啲，唔好再做呢啲互相殘殺嘅野。

但，同我一樣咁諗嘅好朋友竟然做咗人地第三者。
我唔係怪佢，而係我會明佢其實好辛苦。淨係每晚想住"我男朋友而家同佢女朋友做緊咩呢?"已經夠難頂，仲要分分鐘驚被"發現"。

其實邊個會想自己做第三者。不過啲男人就係咁，話咩"俾啲時間我，我會同佢分手"、"其實我同佢嘅感情好有問題"，咁女人就好易會心軟。
但係佢地嘅感情有問題呢樣野，係個男人自己講嘅，可能唯一嘅問題就係佢身痕想出去玩。唔通果個男人會同你講"我同我女朋友感情幾好o架，我只係貪玩先去識第二個" 咩?
仲有，佢話會分手啫，到時唔分你都奈佢唔何。

我真係希望Honey 你要諗清楚。

Make The World A Better Place

之前睇到惠康出環保袋，其實都想試。不過，佢個 design 真係好求其，就咁加一大個 logo 就算，我自問無膽量拎呢個惠康袋去 shopping。
今日去百佳買野, 發現原來百佳出嘅shopping bag都幾 ok 喎。
袋上面無大大隻百佳 logo，顏色亦 ok (有緣 、橙、黑)，唔用時仲可以摺成小手挽方便拎出街。咁正嘅 design , 我當然支持啦！出街放定落袋，拎去買衫都唔失禮, 又環保。

(似廣告?....係，我確實係sell 緊你用環保袋嘅！你無feel 錯!)

來一杯薑茶

病到無哂胃口，兩日來都淨係想飲湯。今朝，一樣無胃口，於是煲左喲薑茶。嘩，我竟然飲左三碗，飲完真係舒服啲。

材料:
薑 (驅風呀) -- 要切片, 我唔拍嘅, 拍左會好辣....
蔗糖 (深色果種, 解毒嘅)
紅棗(補血)
桂圓(唔知有咩好, but 加左好味啲)
水

做法:
全部倒落去中火煲 15 分鐘

凍

廿七、八度的氣温還蓋着一張厚厚的被子會有何感覺? 一個字 -- 凍。
是感冒吧，我想。又或者，是我已經太久沒有得到温暖。
一向就是經常性的手凍腳凍。尤其當我病倒，就算再厚的大褸都好像幫不了我。以前，我總會捉着他那對暖暖的大手，又或是索性捲入他的懷中。那種温暖是特別的，不是靠暖包可以得到的。

我承認，我其實是一個非常軟弱的人。就好像這次，我身體病了，我心入面亦病了，我就竟然容許自己貪戀着不屬於我的體温。其實我知他心裡面沒有我，其實我知他大概亦不適合我，但又有甚麼關係，反正都快要走了... ...
別想多了，我只是貪了一只手臂。不過老實說，要是他吻下來，我大概不會避開。一直都要理智，一直都要循規蹈矩，今次我選擇自私一點。為甚麼不呢? 反正他對我亦很自私。亦反正，我都快要走了... ...

不過，貪來的都不會長久，回家途中感覺更凍更冷。一路行回家，感覺就像在冰冷的海底漫步。
很凍，真的很凍。路很黑很靜，身體就像在浮浮沉沉。
彷彿還聽得見有小氣泡在咕嚕....咕嚕.....

願望，還是簡單的好

尋日終於實行左我嘅沙灘之旅(計劃三號~!)。一次實行哂三個願望 -- 去海邊坐下 & 執一啲貝殼做飾物 & BBQ，爽！願望，還是簡單的好，唔使上山下海筋疲力竭就達得到。
好多謝哥哥帶病上陣陪我癲。兩個人嘅 BBQ, 其實都幾好。至少可以省略好多約來約去、等來等去嘅麻煩，十五分鐘就買完野上車出發。

唔知點解，我真係好鐘意海。
或者山太硬崩崩，天又太高，河又太急急忙忙，瀑布亦太嘈嘈閉。唯有海，又親切又温柔。而且，我總覺得對住大海，就可以比較接近同樣住喺海邊嘅她, 和他。
或者我唔會有時間去同Amy 講再見，或者我唔會有勇氣去同王子講"我會掛念你"，所以我喺沙上寫低左要講嘅說話，等浪將佢地沖出去，將說話送出去。
好白痴呀呵? 我都知。不過當一個人無哂辦法，再白痴再自欺欺人嘅方法都會去試。做左，至少我可以同自己講我試過、盡カ過。就當，了一件心事。

尋日執左好多貝殼，我用左少少整左一對耳環同兩隻介子。
好滿足。

Help me, My Lord

點到你唔承認冥冥之中有一個主宰。
本身仲想去約佢，無啦而家，一考完試就要走。
一日嘅時間都唔俾我。

I believe in you, my lord. You know I always do.
So, if he is the one, please let me know.

花販的話

有一位花販告訴我幾乎是所有的白花都很香愈是顏色豔麗的花愈是缺乏芬芳，他的結論是： 「人也是一樣，愈樸素單純的人，愈有內在的芳香。」

有一位花販告訴我，夜來香其實白天也很香，但是很少聞得到， 他的結論是： 「因為白天人的心太浮了，聞不到夜來香的香氣。 如果一個人白天的心也很沉靜，就會發現夜來香、桂花、七里香，連酷熱的中午也是香的。」

有一位花販告訴我清晨買蓮花一定要挑那些盛開的， 他的結論是： 「早上是蓮花開放最好的時間，如果一朵蓮花早上不開，可能中午和晚上都不開了。 我們看人也是一樣，一個人在年輕的時候沒有志氣，中年或晚年就更難有志氣了。」

有一位花販告訴我，愈是昂貴的花愈容易凋謝，那是為了要向買花的人說明： 「要珍惜青春呀，因為青春是最名貴的花，最容易凋謝。」

有一位花販告訴我，每一株玫瑰都有刺，他的結論是： 「正如每一個人的性格中，都有你不能容忍的部份。 愛護一朵玫瑰，並不是得努力把它的刺根除， 只能學習如何不被它的刺刺傷，還有，如何不讓自己的刺刺傷心愛的人。」

[轉貼]

長信?..短訊?...

唔係玩歌詞，而係真係苦惱緊。距離離開嘅日子越來越近，就越覺得煩惱。

點算好?
真係寄一封長長嘅信，將呢七個月心裡面所有所有說話都寫入去? 定send 個SMS / Email，講一句"願你一切安好, Take Care."? 好唔好要求見面..話係想還返鎖匙?..定直接咁講 I miss you much?
定係，其實我唔應該?..

當初選擇同意一刀切咁分手，好勝嘅我總以為自己可以抬頭大步一個人走。但，原來"在跌倒的地方站起來"根本唔易做到，我根本無再企返起身就迫自己向前，用手一寸一寸爬下去。終於爬到損手爛腳，先知道問題一直仍在。
我知道我要去處理好佢。
不過, 我應該點做?

又到考試

自兩歲起入學嘅我，將要面對我嘅學海生涯中第ニ十個年終試。
但我知，畢業以後要面對嘅“考試”比學校嘅考試難十倍。
其實，我好怕。

自信，問題係關於自信。
年多前睇過一份報告，關於女性自信嘅報告。當中講到若果一個女性可以每日得到愛人嘅擁抱，佢就會更有自信。女人一開始戀愛，也就會更懂去愛人。因為被愛係一種肯定，所以自己亦會更肯定自己。又因為被愛，人亦變得比較溫柔平和；心境唔同，連世界亦變得比以前可愛，因此遇到壞事時亦易接受得多。
當時，我亦曾經經歷過。我亦曾深深相信我值得為自己驕傲，深深相信我係一個幸運兒。連舉止談吐都唔一樣，眼神都更明亮。

或者考試前，我需要儘快談一埸戀愛。

睡吧

聖經中有講到曾經有個人好煩惱好憂愁，神就使佢靜下入睡。
無錯，覺得幸苦就最好咩都唔理瞓一覺，如果仲可以瞓得到嘅話。

呢二、三日唔知點解全個右半身都好痛。最辛苦嘅係手指關節位就好似被針刺一樣，手掌亦有啲痲痺。我，整個星期一就喺張床度過。幸好瞓得到，瞓着就唔知痛，身和心都唔知痛；仲兼可以暫時忘記即使再痛，我己經無權捲入果個懷抱要求安慰。

可以沉沉睡去，亦係一種恩賜。

二十週年堂慶

我越來越覺得，我已經離唔開教會。

今日係二十週年堂慶，我要負責照顧兒童合唱團。果一班小壞蛋真係破壞力十足，但佢哋又有能カ令你嬲唔落，救命。
姨姨話:"你太溫柔啦，要惡啲嘛。"
唉呀，不過我享受自己可以溫柔地照顧佢哋嘛。對住其他人，就會有顧忌。
要知道，女性嘅溫柔最易招惹是非誤會。


至高者的懚密處

望落霞 默然地沉聚天邊
高空裡 每日每夜透着眾光閃
這宇宙 定能覓尋讓你心安處 心安舒

造物神造全地全是美意
衪知你 顧念你在你求告之先
縱世上 事情是常令你多失意 多虧損

在眾山峰的高處
在眾水的深深處
在眾星 紅日外
藏着謙卑寬恕

活在神 實行在神話語裡
安於 至.. 高.. 處...

㊣歌曲分享 --> 《住屋村大(勁歌金曲)》

http://www.ttx.com.cn/bbs/EC_Music_play.asp?id=9302

正歌詞節錄：

浦到阿媽都刮妳 返屋企怕受人氣 就算打到飛起 阿媽都錫你 鐘意就訓先 我出街有無話唔惦? 無奈阿媽最嚴 怎麼閃? 樓下七仔轉頭見 ←有無同感? ha

各種 師奶 最愛去 組織吹水 三'四隊 過去吹水 搭咀無罪 講起阿某某幾衰 頭又蓬鬆 涼又唔沖 望四座乞衣比細路愚弄 如住皇宮 談話唔懂 通身已經污穢佢無面朦 ← Classic 版 SL image

時常扮晒無貨 要睇戲洗得幾多? 仲話要去買炮谷幾籮 陪住妳欄街去 洗錢無所謂 點可能用左千幾 哪麼多? ／ 當年好多女笑我 成晚都公園坐 邊似係拍拖? 笑我真折墮 其實我一早清楚 原因我無貨 ← 中學拖友 90% 中 point

從前功課鐘意抄 自小抄落抄到錯都照交 到了作文英語 我要靠我手語 原來都無特赦 大聲講句: "車"! ← 考試中嘅人, 啱 feel 嗎?

我愛你.40年不變...(真實版)

某女歌手團體MV，述說一對已互定終身，卻因當時戰亂不得不分離的青梅竹馬，在女孩當奶奶後才取得聯繫。女孩得到老伴兒首肯，回到當年青梅竹馬身邊，接續約莫四十年前未盡的緣。我欣賞過，腦中打轉的卻是身邊的真實故事。

30年前才子佳人 客家女好事吹了

家父宿疾已久，病榻上總有些心願需要完成，其中一項，就是尋找失聯的女友，他們曾論及婚嫁。經家母首肯，全家總動員，幾番轉折，終於獲知她的地址，再透過當地友人傳遞紙條，居然與她取得聯繫。當她打來第一通電話，臥在病榻上的老爸不改俏皮本性，拿著話筒大喊：「佛倫西亞？是妳？是妳！我一聽妳的聲音，就認得出來！我快死了！趕快來看我！」

外語系畢業的爸爸，在那個時代就十分洋化，總以英文名互稱；不過這樣的開場白，當然免不了一頓斥責。但許久未見的她，竟也爽快應允迢迢南下，來見這無緣的人。他倆兩個小時後才掛上分手後第一通電話。老爸悄悄跟我說：「她還沒有嫁耶！」「是為了你嗎？」我有點不以為然，故意激他地問。老爸眨眨眼，接著說：「也還是處女。」「哇！」我大喊。當時，嬌小美麗的女孩，住在一群男學生附近，她才氣縱橫、氣質出眾，每每經過他們面前，都昂首闊步，像隻驕傲的孔雀。那群男孩子就打賭，賭看誰先追上她！才氣縱橫，又風騷自信的爸爸當然也加入戰局，終於不久之後……賓果！

才子佳人，在一起果然風花雪月。她是T大教授女兒，就住在T大宿舍，總在嚴謹的父親不在時，偷偷邀老爸回家，兩人就在充滿花草的庭園共吟詩詞，還請女孩的二姊把風。一次南下返家，當時年約二十七、八歲的爸爸，跟祖父提及結婚打算。不料祖父對女孩的客家血統大發雷霆，立即反對，嚴禁爸爸再提。沮喪的爸爸傷心地北上，跟女孩訴苦，想不到一向以客家血統自傲的女孩聽了，又羞又氣……她惱怒地質問爸爸，為什麼沒經她允許，就擅自主張詢問家人？「我有答應嫁你嗎？」之後，她不再與爸爸見面。

避不見卻又相見 當年情人多神傷

風流熱情的爸爸，素以「飯粒人」聞名，對於女孩子這樣消失，當然很不甘心，決心說服爺爺，更想努力挽回女孩的心。然而女孩一再閃躲，儘管焦急的爸爸連絡了女孩所有好友、二姊，還是找不著。女孩甚至為了不讓爸爸找到，而換了幾份工作。

那天終於來了。到車站接她的時候，我用奇異眼光釘著我爸念念不忘的老情人。她捲捲的頭髮、矮矮的身子，中年發福的下半身，穿著一襲復古深色連身洋裝，鼻梁架副老花眼鏡，怎麼看都是一個五十幾歲歐巴桑！

一進家門，剛進玄關，還在脫鞋，爸爸熱情的聲音就遠遠傳來。「佛倫西亞！My佛倫西亞！」他趨前，她遲疑，在屏風前，我看到爸爸期盼的眼神和她畏懼的神情。低了一下頭，她深深呼吸，終於鼓起勇氣踩了進去。老爸張開雙臂作勢擁抱，她慌亂伸出手，卻瞬間哭得唏哩嘩啦。

老爸當時挺慘，洗腎肚子插著管子不說，心臟手術縫線長長一條，從脖子到肚臍下清晰可見，久臥病榻，雙腳萎縮瘦弱，需要助行器才能緩慢行走，臉更因長期用藥腫脹變形……總之，他已不是以前那個高壯俊俏班代，以及合唱團高音部滿臉通紅的活力小子了。

「三十年了……」爸爸先開口。「是啊……」仍嚶嚶啜泣的阿姨說。我遞給爸爸衛生紙。之後他們愉快地聊起天來，爸爸還叫我驅車到哥哥公司，看他最得意的兒子。

久違說起悄悄話 她又成青澀少女

久臥病榻的爸爸，其實很少出門了，但我看得出，他真的滿開心的，尤其這次出門，媽媽刻意不跟。阿姨的眼神、動作，就跟青澀少女一般，雀躍、羞澀、撒嬌、靈動，還會附在爸爸耳邊說話，再笑嘻嘻地「蹦」地跑開；彷彿時空倒流！然而，這是一個五十多歲的……歐巴桑啊！

「她會跑來我耳邊，跟我說悄悄話喔！」「她會拍我的頭喔！」老爸似乎非常享受這把年紀還有女人緣，這樣跟我炫耀著；看老爸得意洋洋得像要發癲模樣，我想，男人還真吃那一套哪。

問我媽對此事的感覺？老媽一貫不理會傻笑發浪的老爸，逕自看自己的電視。她說，高興就好，反正我爸也「不行了」。不久，我爸過世，就在七月終了，離跟她取得聯繫的時間，約莫過了兩個月……

接到我的電話，她先是楞了一下，接著失神般喃喃地說，其實她這幾天就有預感；爸爸有跟她說他又入院了，也透露了情況不佳，她正盤算著再南下探望，但想不到這樣快。葬禮前晚，她從北部趕來，還沒進巷子口，就傳來悲痛逾恆的哭號。封棺前給家屬看最後一眼，當家人、親戚、爸爸好友看過後輪到她，沒想到，她居然哭號著、跪著，就要撲到爸爸身上，動作之迅速悲愴，讓大家都嚇了一跳，趕緊拉開她，深怕眼淚滴到爸爸身上。

爸爸過世至今也有一段時日，可是阿姨和爸爸相遇那畫面，那五十幾歲卻如少女懷春般的雀躍眼神、跳躍的動作，仍歷歷在目，久久不能忘懷。尤其三十年了，她至今未嫁，也仍完璧，這到底是……看到MV，我不禁跌入回憶……

轉自【2005/04/09 聯合報】

想看MV,
search S.H.E. 嘅 "我愛你" 啦！
要加長版喎。

木

有個統計數據話好運嘅人通常都會識到好運嘅人，黑仔就會群黑仔。係我累左你? 由識你開始，你嘅煩惱直情無間斷出現。

sorry, 我唔識安慰人，唯有啦你講東講西分散你啲注意力。行街、新衫、食野、電視、存在主義、靈魂學說、兒時趣事都講過了。
希望至少，可以悶到你訓到一覺。

會過的，定會過去的。
一定會。

"嘩！セ真係咁耐無見架啦?!" -- 關比比

係呀，無見大半年有多啦，比姐。
時間真係過得好快，一年好似"叮"一聲就過左。唔覺唔覺之間....真係.. ...唉.. ...

“如果你係男仔就好。”比姐話。

我都想。又或者你係男仔，會有多好。起碼我倆係真心關心對方；起碼我倆懂得對方。
再不用飄泊，不用怕受傷害。
嘻，不過做左男人會唔會惹埋佢地嘅善變同花心先??

欠你一餐。
上次去食過嘅長腳蟹太正，想帶你去試下，好嗎?
還記得以前十餐有八餐都係去食日本菜，不知六蚊一碟三文魚壽司仲存唔存在?

有你真好。